ଲୋକହସା ହେଲେ ପାକିସ୍ତାନ ପ୍ରତିରକ୍ଷା ମନ୍ତ୍ରୀ

ନୂଆଦିଲ୍ଲୀ: ପୁଲୱାମା ଆକ୍ରମଣର ପ୍ରତିଶୋଧ ନେଇଛି ଭାରତ। ଭାରତୀୟ ବାୟୁସେନାର ୧୨ଟି ଯୁଦ୍ଧ ବିମାନ ନିୟନ୍ତ୍ରଣ ରେଖା (ଏଲ୍‌ଓସି) ଅତିକ୍ରମ କରି ପାକିସ୍ତାନର ବାଲାକୋଟରେ ଥିବା ‘ଜୈଶ-ଇ-ମହମ୍ମଦ’ର ସବୁଠୁ ବଡ଼ ଟ୍ରେନିଂ କ୍ୟାମ୍ପକୁ ମାଟିରେ ମିଶାଇ ଦେଇଛି। ଏହା ସହିତ ଏଥିରେ ଥିବା ୩୦୦ରୁ ଅଧିକ ଆତଙ୍କବାଦୀ ନିହତ ହୋଇଥିବା କୁହାଯାଉଛି। ନିହତଙ୍କ ମଧ୍ୟରେ ‘ଜୈଶ-ଇ-ମହମ୍ମଦ’ର ମୁଖ୍ୟ ମାସୁଦ ଆଝାରର ଶଳା ସମେତ ଅନେକ ବଡ଼ କମାଣ୍ଡର ଥିବା କୁହାଯାଉଛି। ତେବେ ଭାରତୀୟ ବାୟୁସେନାର ଏହି ଆକ୍ରମଣ ପରେ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ପରଭେଜ୍ ଖଟକ୍‌ ଏକ ମନ୍ତବ୍ୟ ଦେଇ ଟ୍ୱିଟରରେ ଟ୍ରଲ୍‌ ହୋଇଛନ୍ତି।

ଗତକାଲି ସେ ସାମ୍ବାଦିକମାନଙ୍କୁ କହିଥିଲେ ଯେ ଭାରତୀୟ ବାୟୁସେନାର ଆକ୍ରମଣକୁ ପ୍ରତିରୋଧ କରିବାକୁ ପାକିସ୍ତାନୀ ବାୟୁସେନା ପ୍ରସ୍ତୁତ ଥିଲା, ତେବେ ଅନ୍ଧାର ହୋଇଥିବା ଯୋଗୁ ସେମାନେ କିଛି କରିପାରିଲେନି। ଏହି ଆକ୍ରମଣ ଯୋଗୁ କେତେ କ୍ଷତି ଘଟିବ, ତାହା ସେମାନେ ଆକଳନ କରିପାରି ନଥିଲେ। ତେଣୁ ସେମାନେ ଅପେକ୍ଷା କରିଥିଲେ। ତେବେ ବର୍ତ୍ତମାନ ସେମାନେ ସ୍ପଷ୍ଟ ନିର୍ଦ୍ଦେଶ ପାଇ ସାରିଛନ୍ତି।

ଏହା ପରେ ପାକିସ୍ତାନର ବୈଦେଶିକ ମନ୍ତ୍ରୀ ଆଉ ପାଦେ ଆଗକୁ ଯାଇ କହିଥିଲେ ଯେ, ପାକିସ୍ତାନ ବାୟୁସେନା ଜବାଦ ଦେବା ପାଇଁ ଯାତ୍ରା ବି ଆରମ୍ଭ କରି ସାରିଥିଲା। ସବୁ ପ୍ରକାର ସମ୍ଭାବ୍ୟ ଫଳାଫଳ ପାଇଁ ଆମେ ପ୍ରସ୍ତୁତ ଥିଲୁ।

ପାକିସ୍ତାନର ଜଣେ ସାମ୍ବାଦିକ ଏହି ଭିଡିଓକୁ ସୋଶାଲ୍ ମିଡିଆରେ ପୋଷ୍ଟ୍ କରିବା ପରେ ପରଭେଜ୍ ଖଟକ୍‌ ଟ୍ରଲ୍ ହୋଇଥିଲେ। ଲୋକେ ତାଙ୍କୁ ସମାଲୋଚନା କରି ବିଭିନ୍ନ ପ୍ରକାର ମନ୍ତବ୍ୟ ଦେଇଥିଲେ।

#JustForLaughs

Tauba Tauba these tomatoes! pic.twitter.com/ukkN1ymlXh

— Rajeev Chandrasekhar (@rajeev_mp) February 26, 2019

Pak Defence Min response : ” Our Air Force were ready but it was DARK”. Hahahahhahahahahhaha seriously ? This is defence minister ? And they want to attack India. #IndiaStrikesBack #PulwanaRevenge

— Abhijeet Srivastava (@Abhijeet_92) February 26, 2019

Unbelievable. Pakistan’s Defence minister & Army chief said in press conference that Pak Airforce was ready to respond.. but ‘Andher mein kuch dikha nahi aur nuksaan ka idea nahi aaya’. Even India should be embarrassed to have this country as our neighbour. #IndiaStrikesPakistan

— Kushagra Swarnkar (@kushhagra_) February 26, 2019

ସୂଚନାଯୋଗ୍ୟ, ଫେବୃଆରୀ ୧୪ରେ ପୁଲୱାମାରେ ଆତଙ୍କବାଦୀଙ୍କ ଆତ୍ମଘାତୀ ଆକ୍ରମଣରେ ୪୦ ଜଣ ସିଆର୍‌ପିଏଫ୍ ଯବାନ ସହିଦ ହେବା ପରେ ଗତକାଲି ଏହାର ପ୍ରତିଶୋଧ ସ୍ୱରୂପ ଭାରତୀୟ ବାୟୁସେନା ବାଲାକୋଟରେ ‘ଜୈଶ’ର ଟ୍ରେନିଂ କ୍ୟାମ୍ପରେ ଆକ୍ରମଣ କରିଥିଲା। କାରଣ ପୁଲୱାମା ଘଟଣା ପାଇଁ ‘ଜୈଶ’ ନିଜକୁ ଦାୟୀ କରିଥିଲା।

from Odisha Reporter https://ift.tt/2EkDSe6