ଭୁବନେଶ୍ୱର(ଓଡ଼ିଶା ରିପୋର୍ଟର): “ବିଜେଡି ବାସ୍ତବରେ ହେଉଛି ଓଡ଼ିଶାର ଲଲିପପ୍ ସରକାର। ନବୀନବାବୁ ନିଜ ଶାସନକାଳ ଭିତରେ ସମସ୍ତଙ୍କୁ ରୋଜଗାର ଦେଇପାରୁ ନାହାନ୍ତି । କିନ୍ତୁ ୧୯ ବର୍ଷ ହେଲା ଜନତାଙ୍କୁ ଭଣ୍ଡାଇ ଲଲିପପ୍ ଦେଇ ଆସୁଛନ୍ତି ।”
ଆଜି ଏକ ସାମ୍ବାଦିକ ସମ୍ମିଳନୀରେ ଏମିତି ଅଭିଯୋଗ କରି ନବୀନଙ୍କୁ କଟାକ୍ଷ କରିଛନ୍ତି ବିଜେପି ରାଜ୍ୟ ପ୍ରଭାରୀ ଅରୁଣ ସିଂହ ।
ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁରକ୍ଷା ଆଇନ ନେଇ ସେ କହିଛନ୍ତି ଯେ, ୧୯ ବର୍ଷରେ ୩୪ ଲକ୍ଷ ଭୋକିଲା ଲୋକ ରାଜ୍ୟରେ ଅଛନ୍ତି। ଯେଉଁମାନେ ଦିନକୁ ଦି’ ଓଳି ଖାଇବାକୁ ପାଉନାହାନ୍ତି। ଯାହାକି ରାଜ୍ୟ ସରକାରଙ୍କ ବଡ଼ ବିଫଳତା ।
ଆମ ଗାଁ, ଆମ ବିକାଶ କାର୍ଯ୍ୟକ୍ରମ ଏକ ଭୟଙ୍କର ଭ୍ରଷ୍ଟାଚାର ବୋଲି ସେ କହିଛନ୍ତି । ଜନ ପ୍ରତିନିଧିଙ୍କୁ ନ ପଚାରି ବିନା ଟେଣ୍ଡରରେ କାମ ଦିଆଯାଉଛି। ଲୋକତନ୍ତ୍ରର ତଣ୍ଟି ଚିପି ରାଜକୋଷକୁ ଚୁନ ଲଗାଯାଉଛି ବୋଲି ଅଭିଯୋଗ କରିଛନ୍ତି ଶ୍ରୀ ସିଂହ। ରାଜ୍ୟର ମନ୍ତ୍ରୀ, ବିଧାୟକଙ୍କ ଭ୍ରଷ୍ଟ୍ରାଚାର ବିରୋଧରେ ବିଜେପି ଅଭିଯାନ ଆରମ୍ଭ କରିବ ବୋଲି ସେ କହିଛନ୍ତି ।
from OdishaReporter https://ift.tt/2uZomjU
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment