ମୁମ୍ବାଇ: କପିଲ୍ ଶର୍ମାଙ୍କ ଶୋ’ର ଆଗାମୀ ଏପିସୋଡ୍ରେ ଅତିଥି ହୋଇ ଆସିବେ ବଲିଉଡ୍ ଅଭିନେତା ସୁନୀଲ ଶେଟ୍ଟୀ ଓ ଦକ୍ଷିଣୀ ତାରକା ସୁଦୀପ୍। ସେମାନଙ୍କ ସହ ଆକାଂକ୍ଷା ସିଂହଙ୍କୁ ମଧ୍ୟ ଦର୍ଶକମାନେ ଦେଖିବାକୁ ପାଇବେ। କପିଲ୍ଙ୍କ ଶୋ’ରେ ଏହି ତିନି ଜଣ ସେମାନଙ୍କ ଆଗାମୀ ଫିଲ୍ମ ‘ପହଲବାନ୍’ର ପ୍ରମୋସନ୍ କରିବେ। ୟା ଭିତରେ ଏହାର ପ୍ରମୋ ଜାରି କରାଯାଇଛି। ଏଥିରୁ ଜଣାପଡୁଛି ଯେ, କପିଲ୍ ଏହି ଅତିଥିମାନଙ୍କ ସହ ବହୁତ ମଜା କରିଛନ୍ତି।
‘ସୋନି ଟିଭି’ ନିଜ ଅଫିସିଆଲ୍ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଯେଉଁ ପ୍ରମୋ ପୋଷ୍ଟ୍ କରିଛି, ସେଥିରେ ଅତିଥିମାନଙ୍କୁ କପିଲ୍ ତାଙ୍କର ଚିରାଚରିତ ଢଙ୍ଗରେ ବିଭିନ୍ନ ପ୍ରଶ୍ନ ପଚାରୁଛନ୍ତି। ତା’ ଭିତରେ ସେ ସୁଦୀପ୍କୁ ପଚାରିଛନ୍ତି, ‘ଶୁଣିଛି ଆପଣ ଏହି ଫିଲ୍ମ ପାଇଁ ଆପଣ ୧୫ କିଲୋ ଓଜନ କମାଇ ଦେଇଛନ୍ତି। ଏହା କ’ଣ ସତ?’
ଏହାର ଜବାବରେ ସୁଦୀପ୍ କହିଛନ୍ତି, ‘ହଁ, ଏହା ସତ କଥା।’ ଏହା ପରେ କପିଲ୍ ତାଙ୍କୁ ନିଜ ଦୁଃଖ ଜଣାଇଛନ୍ତି। ସେ କହିଛନ୍ତି, ‘ଆପଣ କେମିତି ଏମିତି ଓଜନ କମାଇ ଦେଲେ? ମୁଁ ୬ ମାସ ହେଲା ୨ କିଲୋ ଓଜନ କମାଇବାକୁ ଚେଷ୍ଟା କରୁଛି। କିନ୍ତୁ ହେଉନି। କାଲି ମୁଁ ଓଜନ ମାପିଲା ବେଳକୁ ଆହୁରି ୮୦୦ ଗ୍ରାମ୍ ବଢ଼ି ଯାଇଥିବା ଜାଣିଲି।’
ତା’ପରେ ସୁଦୀପ୍ ଟିକେ ଚୂନ ମାରି ତାଙ୍କୁ କହିଛନ୍ତି,‘ଆପଣ କହୁଛନ୍ତି ୬ ମାସ ହେଲାଣି ଆପଣ କରୁଛନ୍ତି। କିନ୍ତୁ ଏହା ଜଣାପଡୁନି ଆପଣ କ’ଣ କରୁଛନ୍ତି।’
ଏହା ଶୁଣି କପିଲ୍ଙ୍କ ପାଟି ଚୁପ୍ ହୋଇଯାଇଛି ଓ ଅନ୍ୟମାନଙ୍କ ଭଳି ସେ ବି ହସୁଥିବା ଦେଖିବାକୁ ମିଳିଛି।
https://ift.tt/2MFstMl
from Odisha Reporter https://ift.tt/2NyjY5s
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment