ନାଗରିକତା ସଂଶୋଧନ ଆଇନକୁ ବିରୋଧ ବେଳେ ପ୍ରଧାନମନ୍ତ୍ରୀ ଦେଲେ ବଡ଼ ମନ୍ତବ୍ୟ

ନୂଆଦିଲ୍ଲୀ: ନାଗରିକତା ସଂଶୋଧନ ଆଇନକୁ ନେଇ ଦେଶରେ ବିରୋଧ ଚାଲିଥିବା ବେଳେ ସରକାରଙ୍କ ଏଭଳି ପଦକ୍ଷେପକୁ ପରୋକ୍ଷରେ ସାହସିକତା ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଉଦ୍ୟୋଗୀ ମାନଙ୍କ ଏକ ସମ୍ମିଳନୀରେ ଯୋଗ ଦେବା ଅବସରରେ ପ୍ରଧାନମନ୍ତ୍ରୀ ଏଭଳି କହିଛନ୍ତି।

ଦେଶକୁ ସଙ୍କଟରୁ ମୁକୁଳାଇ ଆଗକୁ ବଢ଼ିବା ସହଜ ନୁହେଁ। ହେଲେ ଏମିତି ପଦକ୍ଷେପ ନେବା ବି ସହଜ ନୁହେଁ। ଦେଶର ଭବିଷ୍ୟତକୁ ନଜରରେ ରଖି ଏଭଳି ପଦକ୍ଷେପ ନିଆଯାଇଛି ବୋଲି ମୋଦି କହିଛନ୍ତି। ଏଭଳି ପଦକ୍ଷେପ ନେବା ବେଳେ ଅନେକ ଅଭିଯୋଗ ଆସିବ, ଏହାକୁ ସାମ୍ନା ମଧ୍ୟ କରିବା ଆବଶ୍ୟକ ବୋଲି କହିଛନ୍ତି। ୭୦ ବର୍ଷର ଅଭ୍ୟାସ ଓ ମାନସିକତାକୁ ବଦଳାଇବା ପାଇଁ ସମୟ ଲାଗିବ ହେଲେ ଦେଶ ପାଇଁ କରିବାକୁ ହେବ ବୋଲି ପ୍ରଧାନମନ୍ତ୍ରୀ ଏସଓଚେମର ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ପ୍ରଧାନମନ୍ତ୍ରୀ କହିଛନ୍ତି।

from Odisha Reporter https://ift.tt/2EDTTfC