ବିଜେପି ବିଧାୟକଙ୍କ ଗାଡ଼ିି ଦୁର୍ଘଟଣାଗ୍ରସ୍ତ, ଖାଇକୁ ଖସିଲା ଫର୍ଚୁନର୍ କାର୍‌

ମୁମ୍ବାଇ: ଦୁର୍ଘଟଣାର ଶିକାର ହେଲେ ବିଜେପି ବିଧାୟକ। ଖାଇକୁ ଖସିଲା ତାଙ୍କ ଫର୍ଚୁନର୍ କାର୍। ମହାରାଷ୍ଟ୍ର ସତାରା ଜିଲ୍ଲାର ଫଲଟନ୍ ନିକଟରେ ବିଜେପି ବିଧାୟକ ଜୟକୁମାର ଗୋରେଙ୍କ ଗାଡି ଦୁର୍ଘଟଣା ଗ୍ରସ୍ତ ହୋଇଛି। ଏଥିରେ ୪ ଜଣ ଆହତ ହୋଇଛନ୍ତି।

ପୁଲିସ ସୂଚନା ମୁତାବକ, ଆଜି ସକାଳୁ ଏହି ଦୁର୍ଘଟଣା ଘଟିଛି। ଏଥିରେ ବିଜେପି ବିଧାୟକଙ୍କ ସମତେ ଦୁଇ ଜଣ ଗାର୍ଡ ଓ ଗାଡି ଡ୍ରାଇଭର ଗୁରୁତର ହୋଇଛନ୍ତି। ଡ୍ରାଇଭର ନିୟନ୍ତ୍ରଣ ହରାଇବା ପରେ ଲୋନନ୍ଦ-ଫଲଟନ ମାର୍ଗରେ ଥିବା ପୋଲ ନିକଟରେ ୩୦ ଫୁଟ ଖାଇ ତଳକୁ ଗାଡିଟି ଖସି ପଡିଥିଲା।

Maharashtra | BJP MLA Jaykumar Gore met with an accident on the Pune-Pandharpur road in Satara district near Malthan last night

He is admitted to a Pune hospital along with his driver and two guards pic.twitter.com/jn9Xu5Ftrr

— ANI (@ANI) December 24, 2022

ପୁଲିସ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରିଛି। ବିଜେପି ବିଧାୟକ ଜୟକୁମାରଙ୍କୁ ପୁଣେର ରୁବି ହଲ୍ କ୍ଲିନିକ୍‌ରେ ଭର୍ତ୍ତି କରାଯାଇଛି। ଅନ୍ୟ ଆହତଙ୍କ ଅନ୍ୟ ହସ୍ପିଟାଲରେ ଚିକିତ୍ସା ଚାଲିଛି। ଜୟକୁମାର ସତାରା ଜିଲ୍ଲା ମାନ ବିଧାନସଭା ଆସନରୁ ବିଧାୟକ ଅଛନ୍ତି।

The post ବିଜେପି ବିଧାୟକଙ୍କ ଗାଡ଼ିି ଦୁର୍ଘଟଣାଗ୍ରସ୍ତ, ଖାଇକୁ ଖସିଲା ଫର୍ଚୁନର୍ କାର୍‌ appeared first on Odisha Reporter.

from Odisha Reporter https://ift.tt/diA4TrY