ପୂର୍ବତନ ବିଧାୟକ ଦେବେନ୍ଦ୍ର କହଁରଙ୍କ ନାଁରେ ଅସଦାଚରଣ ଅଭିଯୋଗ

କନ୍ଧମାଳ(ଓଡ଼ିଶା ରିପୋର୍ଟର):ଫୁଲବାଣୀର ପୂର୍ବତନ ବିଧାୟକ ଦେବେନ୍ଦ୍ର କହଁର ଜଣେ ଯୁବତୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି। ଏ ନେଇ ପୀଡ଼ିତା ଦେବେନ୍ଦ୍ରଙ୍କ ନାଁରେ ଥାନାରେ ଅଭିଯୋଗ କରିଛନ୍ତି।

ଅଭିଯୋଗ ଅନୁଯାୟୀ, ଦେବେନ୍ଦ୍ର ଓ ତାଙ୍କ ଡ୍ରାଇଭର୍‌ ସଦର ଥାନା ଗୌଡ଼ପଡ଼ାର ଜଣେ ଯୁବତୀଙ୍କ ଘରେ ବିଳମ୍ବିତ ରାତିରେ ପହଞ୍ଚିଥିଲେ। ପରେ ସେମାନେ ଯୁବତୀଙ୍କୁ ଅସଦାଚରଣ କରିବା ସହ ତାଙ୍କ ମାଆଙ୍କୁ ମାରଧର କରିଥିଲେ।

ସଦର ଥାନା ପୁଲିସ୍‌ ଦେବେନ୍ଦ୍ର ଓ ତାଙ୍କ ସହଯୋଗୀଙ୍କ ନାଁରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ଏନେଇ ଦେବେନ୍ଦ୍ରଙ୍କ ପ୍ରତିକ୍ରିୟା ମିଳିପାରିନାହିଁ ।

କନ୍ଧମାଳ ଏସ୍‌ପି  ଉତ୍କଳ ରଞ୍ଜନ ଦାସ କହିଛନ୍ତି, “ଦେବେନ୍ଦ୍ର କହଁର ଓ ତାଙ୍କ ଡ୍ରାଇଭର୍‌ ପୀଡ଼ିତାଙ୍କ ଘରେ ପଶି ଅସଦାଚରଣ ଓ ଗଣ୍ଡଗୋଳ କରିଥିବା ଅଭିଯୋଗ ଆସିଛି। ଘଟଣାର ତଦନ୍ତ ଚାଲିଛି। ତଦନ୍ତ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡ଼ିବ।

 

 

from Odisha Reporter https://ift.tt/2Ceq1YJ