ଭୟଙ୍କର ଆତ୍ମଘାତୀ ବିସ୍ଫୋରଣ, ୫୦ରୁ ଅଧିକ ମୃତ

କାବୁଲ: ଆଫଗାନିସ୍ତାନର ରାଜଧାନୀ କାବୁଲରେ ଆତଙ୍କବାଦୀମାନେ ପୁଣିଥରେ ରକ୍ତର ହୋଲି ଖେଳିଛନ୍ତି। ଆତଙ୍କବାଦୀମାନେ କରିଥିବା ଆତ୍ମଘାତୀ ବିସ୍ଫୋରଣରେ ୫୦ରୁ ଅଧିକ ଲୋକଙ୍କ ଜୀବନ ଯାଇଥିବା ବେଳେ ୭୦ ଜଣ ଗୁରୁତର ଆହତ ହୋଇଛନ୍ତି। ଆହତଙ୍କୁ ସ୍ଥାନୀୟ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲେ ହେଁ ଅନେକଙ୍କ ଅବସ୍ଥା ସଙ୍କଟାପନ୍ନ ରହିଛି।

ଇସ୍‌ଲାମ ଧର୍ମଗୁରୁ ପ୍ରଫେଟ ମହମ୍ମଦଙ୍କ ଜନ୍ମ ଦିନରେ ତାଙ୍କ ସମ୍ମାନାର୍ଥେ କାବୁଲର ଏକ ମ୍ୟାରେଜ୍‌ ହଲ୍‌ରେ କାର୍ଯ୍ୟକ୍ରମ ଅନୁଷ୍ଠିତ ହେଉଥିଲା। ଏଥିରେ ଇସ୍‌ଲାମ ଧର୍ମର ଶହଶହ ଲୋକ ଏକାଠି ହୋଇଥିଲେ। ତେବେ ଏହି ସମୟରେ ଜଣେ ଆତ୍ମଘାତୀ ଆତଙ୍କବାଦୀ ସେଠାକୁ ଆସିଥିଲା। କେହି କିଛି ବୁଝିବା ଆଗରୁ ଆତଙ୍କବାଦୀ ଜଣଙ୍କ ନିଜକୁ ବିସ୍ଫୋରଣ କରି ଉଡ଼ାଇ ଦେଇଥିଲା।

ଏଥିରେ ୫୦ରୁ ଅଧିକଙ୍କ ଲୋକଙ୍କର ମୃତ୍ୟୁ ହୋଇଥିବା ଆଭ୍ୟନ୍ତରୀଣ ମନ୍ତ୍ରୀଙ୍କ ମୁଖପାତ୍ର ନଜୀବ ଡ୍ୟାନିସ୍‌ କହିଛନ୍ତି। ତେବେ ଏଯାଏ କୌଣସି ଆତଙ୍କବାଦୀ ସଂଗଠନ ଏଥିପାଇଁ ନିଜକୁ ଦାୟୀ କରି ନାହାନ୍ତି।

from Odisha Reporter https://ift.tt/2OVHvdq