ଭଡ଼ାରେ ଟ୍ରେଣ୍ଡ୍‌ କରୁଥିଲେ ବଟସେନା, ଓଡ଼ିଶାର ମୁଖ୍ୟମନ୍ତ୍ରୀଙ୍କ ନାଁ ଲେଖିଲେ ପ୍ରବୀଣ ପଟ୍ଟନାୟକ!

ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୧୪ରେ ଆରମ୍ଭ ହୋଇଥିବା ନିର୍ବାଚନୀ ତରିକା ୨୦୧୯ରେ ବ୍ୟାପକ ହୋଇଛି। ଏବେ ଲଢ଼େଇ ରାଜନୀତିକ ଦଳ ମଧ୍ୟରେ ସୀମିତ ହୋଇରହିନାହିଁ। ଏବେ ଭର୍ଚୁଆଲ ଲଢ଼େଇ ପାଇଁ ମଧ୍ୟ ରଣଭୂମି ପ୍ରସ୍ତୁତ ହୋଇସାରିଛି। ସମସ୍ତ ଦଳର ବ୍ଲକ୍‌ଠାରୁ ଆରମ୍ଭ କରି ବିଭିନ୍ନ ସାଂଗଠନିକ ଜିଲ୍ଲାରେ ସୋଶାଲ ମିଡିଆ ଆର୍ମି ପ୍ରସ୍ତୁତ ହୋଇ ରହିଛନ୍ତି। ବିଭିନ୍ନ ଗ୍ରୁପ୍‌ ଖୋଲାଯାଇ ଦଳ ସପକ୍ଷରେ ହାୱା କରିବାରେ ଜାତୀୟ ଦଳଙ୍କଠାରୁ ଆରମ୍ଭ କରି ଆଞ୍ଚଳିକ ଦଳ ଯାଏ କେହିପଛରେ ପଡ଼ି ନାହାନ୍ତି। କିନ୍ତୁ ଏହା ଯେ ଆତ୍ମଘାତୀ ପାଲଟିବ ସେଥିପ୍ରତି କାହାର ନିଘା ନାହିଁ।

ଆଜ୍ଞା ହଁ, ଆମେ କହୁଛୁ ଫେକ୍‌ ଆଇଡିଧାରୀଙ୍କ କଥା। ଟେକ୍ନିକାଲ୍‌ ଭାଷାରେ ଏଭଳି କିଛି ଟ୍ୱିଟର୍‌ ବଟ୍‌ ବର୍ତ୍ତମାନ ଭଡ଼ାରେ ମିଳୁଛନ୍ତି। ସେମାନଙ୍କୁ ଓଡ଼ିଆ ଟ୍ୱିଟର୍‌ ବ୍ୟବହାରକାରୀମାନେ ‘ବଟସେନା’ବୋଲି କହୁଛନ୍ତି।

ବିଭିନ୍ନ ଦଳୀୟ କାର୍ଯ୍ୟକ୍ରମ ବା କ୍ଷମତାରେ ଥିବା ସରକାରଙ୍କର ବିଶେଷ ଉତ୍ସବ ସମୟରେ ଏକ ହ୍ୟାସ୍‌ଟ୍ୟାଗ୍‌ ଆଧାରରେ ତାହାକୁ କ୍ରୁତ୍ରିମ ଟ୍ରେଣ୍ଡ କରାଇବାରେ ପ୍ରମୁଖ ଭୂମିକା ନେଉଛନ୍ତି ଏହି ବଟସେନାମାନେ। ଏଗୁଡ଼ିକ ଟ୍ୱିଟର ଏପିଆଇ ଦ୍ୱାରା ପରିଚାଳିତ ହୋଇ ଟ୍ୱିଟ୍‌ କରିବା, ରିଟ୍ୱିଟ୍‌ କରିବା, ଲାଇକ୍‌ କରିବା, ଫଲୋ କରିବା ଏବଂ ମେସେଜ୍‌ କରିବା ପ୍ରଭୃତ କାମ ସ୍ୱୟଂ ଚାଳିତ ଭାବରେ କରିଥାଆନ୍ତି।

ତେବେ ଏପରି ସେବାର ଉପଯୋଗ କରି ଅଡ଼ୁଆରେ ପଡ଼ିଛି ବିଜୁ ଜନତା ଦଳ। ଗତକାଲି ସୁରତ୍‌ଠାରେ ଆୟୋଜିତ ‘ଓଡ଼ିଶା ମହୋତ୍ସବ’କୁ ଟ୍ରେଣ୍ଡ୍‌ କରାଇବା ପାଇଁ #OdishaMahotsavSurat ନାମରେ ଏକ ହ୍ୟାଶ୍‌ଟ୍ୟାଗ୍‌କୁ ଲୋକପ୍ରିୟ କରାଯାଉଥିଲା। ସିଭି, ଅପୂର୍ବା ସିଂହ ଏବଂ ତାପସୀ ଭଳି ଝିଅଙ୍କ ନାଁ ସହିତ ସୁନ୍ଦରୀ ଝିଅଙ୍କ ଫଟୋ ସହିତ ଏହି ଆଇଡିଗୁଡ଼ିକରେ ଓଡ଼ିଶାର ମୁଖ୍ୟମନ୍ତ୍ରୀଙ୍କର ଭୁରୁଭୁରି ପ୍ରଶଂସା କରାଯାଇଛି। କିନ୍ତୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଦଳରେ ପ୍ରବୀଣ ପଟ୍ଟନାୟକ ଲେଖାଯାଇଛି। ଯାହାକୁ ନେଇ ମୁଖର ହୋଇଛି ସୋଶାଲ ମିଡିଆ।

କିଛି ଟ୍ୱିଟର୍‌ ବ୍ୟବହାରକାରୀ ତ ମଜାରେ ଲେଖିଛନ୍ତି ‘Praveen Pattnaik’ ଟ୍ରେଣ୍ଡ୍‌ ନହେଇଯାଉ। ଦେଖନ୍ତୁ କ’ଣ କହୁଛନ୍ତି ସୋଶାଲ୍‌ ମିଡିଆ ବ୍ୟବହାରକାରୀ।

ଆରେ କଣ ଏସବୁ ହେଉଛି !!
ଯାହା କଲେଣି, 'ପ୍ରବୀଣ ପଟ୍ଟନାୟକ' ଟ୍ରେଣ୍ଡ ହୋଇଯିବ ସେପଟେ.. pic.twitter.com/73Rtvz1Gce

— ନିଧି ଅଜା ପିଠା ପ୍ରେମୀ (@nidhi_budha) December 17, 2018

ଏମିତି ବି ହୁଏ ଅନେକ ଦିଗ ବାରେଣି ଖୁଣ୍ଟି ନ ଦେଖି ଝୁଣ୍ଟି ପଡନ୍ତି । call centre ପରି ଆଜିକାଲି political party ମାନେ twitter fb instagram କାର୍ଯ୍ୟ କରୁଥିବା ସଂସ୍ଥାକୁ ଦେବାର ଅବସ୍ଥା

— saroj nayak (@sarojy2k) December 17, 2018

ନବୀନଙ୍କ ନାମ ପ୍ରବୀଣ କେବେ ହେଲା?
ସୁରଟରେ ନାମ ବଦଳିଗଲା କି?
ପଇସା ଦେଇ ଟ୍ରେଣ୍ଡ କଲେ ଏମିତିଆ ହୁଏ ।#PraveenPatnaik#OdishaMahotsavInSurat pic.twitter.com/jbCDdRgM4a

— ହେଇଟି ଭାଇନା (@heitibhaina) December 17, 2018

ଦୁଇ ନମ୍ବର ରେ #trend ହଉଛି ଯେ ନବୀନ ପଟନାୟକ ଙ୍କୁ ପ୍ରବୀଣ ପଟନାୟକ କାହିଁକି କରୁଛନ୍ତି l#OdishaMahotsavInSurat pic.twitter.com/Hu3ppOBS3F

— Badal (@badal_100) December 17, 2018

from Odisha Reporter https://ift.tt/2CkkRse