ଏ କାମଟି ନ ହେଲେ ବିଜେପି ଉପରକୁ ଲୋକଙ୍କ ବିଶ୍ୱାସ ଉଠି ଯିବ!

ଅହମ୍ମଦାବାଦ: ଆସନ୍ତା ବର୍ଷ ଲୋକସଭା ନିର୍ବାଚନ ଅନୁଷ୍ଠିତ ହେବ। ତେବେ ତା’ପୂର୍ବରୁ ଅଯୋଧ୍ୟାରେ ରାମମନ୍ଦିର ନିର୍ମାଣକୁ ନେଇ ଚର୍ଚ୍ଚା ଜୋର ଧରିଛି। ଏହାକୁ ନେଇ ଜୋରଦାର ବୟାନବାଜି ଚାଲିଛି। ଏଥିରେ ସାମିଲ ହୋଇଛନ୍ତି ଯୋଗ ଗୁରୁ ବାବା ରାମଦେବ। ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ନେଇ ଅଧ୍ୟାଦେଶ ଆଣିବାକୁ ସେ କହିଛନ୍ତି।

ରବିବାର ଗୁଜରାଟର ଅହମ୍ମଦାବାଦରେ ଏକ କାର୍ଯ୍ୟକ୍ରମରେ ଯୋଗ ଦେଇ ବାବା ରାମଦେବ କହିଥିଲେ,“ଯଦି ରାମ ମନ୍ଦିର ନିର୍ମାଣ କରା ନ ଯାଏ, ବିଜେପି ପ୍ରତି ଲୋକଙ୍କର ଯେଉଁ ବିଶ୍ୱାସ ରହିଛି, ତାହା ଉଠିଯିବ। ଆଉ ଏହା ଦଳ ପାଇଁ ଭଲ ସଙ୍କେତ ନୁହେଁ।”

ସେ ଆହୁରି କହିଛନ୍ତି,“ରାମ ରାଜନୀତିର ବିଷୟ ନୁହନ୍ତି। ରାମ ଦେଶର ଗୌରବ। ରାମ ହେଉଛନ୍ତି ଆମର ପୂର୍ବଜ। ସେ ଆମ ସଂସ୍କୃତି, ଗୌରବ ଓ ଆତ୍ମା। ତାଙ୍କୁ ନେଇ ରାଜନୀତି କରିବା ଉଚିତ୍‌ ନୁହେଁ। ଯଦି ଲୋକେ ନିଜେ ରାମ ମନ୍ଦିର ନିର୍ମାଣ କରିବାକୁ ଚାହୁଁଛନ୍ତି, ତା’ହେଲେ ଏହାର ଅର୍ଥ ନ୍ୟାୟପାଳିକା ଓ ସାଂସଦର ସମ୍ମାନ କରୁ ନାହାନ୍ତି।”

from Odisha Reporter https://ift.tt/2Qs0Dor