‘ସିମ୍ବା’ରେ କାମ କରିବାକୁ ସାରାଙ୍କୁ କରିବାକୁ ପଡ଼ିଥିଲା ଏମିତି କିଛି

ମୁମ୍ବାଇ(ଓଡ଼ିଶା ରିପୋର୍ଟର): ରଣବୀର ସିଂହ ଓ ସାରା ଅଲ୍ଲୀ ଖାନ୍‌ଙ୍କ ଅଭିନୀତ ଫିଲ୍ମ ‘ସିମ୍ବା’ ରିଲିଜ୍‌ ହୋଇ ସାରିଥିବା ବେଳେ ଏହା ଏବେ ପୂରା ଦେଶରେ ଧମାଲ ମଚାଉଛି। ଏହା ସାରା ଅଲ୍ଲୀ ଖାନ୍‌ଙ୍କ ଦ୍ୱିତୀୟ ଫିଲ୍ମ ହୋଇଥିବାରୁ ଏଥିପାଇଁ ଖୁବ୍‌ ପରିଶ୍ରମ କରିଛନ୍ତି ସାରା ଓ ସିମ୍ବାର ପୂରା ଟିମ୍‌।

ଫିଲ୍ମରେ ରଣବୀର ସିଂହଙ୍କ ସହ ସାରାଙ୍କ କାମକୁ ମଧ୍ୟ ବେଶ୍‌ ପ୍ରଶଂସା କରାଯାଉଛି। କିନ୍ତୁ ଜାଣିଛନ୍ତି, ସେଦିନ ଯଦି ସରା ସେମିତି କିଛି ନ କରିଥାନ୍ତେ ଆଜି ହୁଏତ ଏହି ଫିଲ୍ମରେ ସାରାଙ୍କୁ ଦେଖିବାକୁ ମିଳି ନ ଥାନ୍ତା। ଏହି ରାଜ୍‌ର ଖୁଲାସା କରିଛନ୍ତି ସିମ୍ବାର ନିର୍ଦ୍ଦେଶକ ରୋହିତ୍‌ ସେଟ୍ଟୀ ।

ସେ ସିମ୍ବାର ପ୍ରମୋସନ୍‌ ପାଇଁ କପିଲ ଶର୍ମାଙ୍କ ନୂଆ କମେଡି ଶୋ’ରେ ପହଞ୍ଚିଥିବା ବେଳେ ଏଇ କଥାର ଖୁଲାସା କରିଛନ୍ତି। ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ରୋହିତ୍‌ ସେଟ୍ଟୀ କହିଛନ୍ତି, ‘ଫିଲ୍ମରେ କାହାକୁ ନେବି ବୋଲି ଭାବି ନ ଥିବା ବେଳେ ସାରା ମୋତେ ଆରମ୍ଭରୁ ତାଙ୍କୁ ନେବା ପାଇଁ ଅନୁରୋଧ କରି ଆସୁଥିଲେ । ଅନେକ ଥର ମେସେଜ୍‌ ପଠାଇ ସେ ମୋତେ ଅନୁରୋଧ କରିଥିଲେ। କିନ୍ତୁ ମୁଁ ତାଙ୍କ ମେସେଜ୍‌ର କୌଣସି ପ୍ରତିକ୍ରିୟା ରଖି ନ ଥିଲି । ଯାହା ପରେ ସେ ମୋ ଅଫିସକୁ ଆସି ମୋତେ ବାରମ୍ବାର ଅନୁରୋଧ କରିବାକୁ ଲାଗିଲେ। ମୋତେ ଏକଥା ଶୁଣି ଖୁବ୍‌ କାନ୍ଦ ମଧ୍ୟ ଲାଗୁଥିଲା। କାରଣ ସୈଫ୍‌ଙ୍କ ଝିଅ। କ’ଣ କରିବି କିଛି ସ୍ଥିର କରି ପାରୁ ନ ଥିଲି। ପରେ ସାରାଙ୍କ ସହ କଥା ହେବା ପରେ ‘ସିମ୍ବା’ ପାଇଁ ସେ ହିଁ ଠିକ୍‌ ବୋଲି ମୁଁ ଭାବିଥିଲି । ଯାହା ପରେ ତାଙ୍କୁ ଫିଲ୍ମରେ ସୁଯୋଗ ମିଳିଥିଲା।’

from Odisha Reporter http://bit.ly/2F3yD46