ଭୋଟର୍‌ ଭାଙ୍ଗିଲେ ଇଭିଏମ୍‌

ଯାଜପୁର/ଭଦ୍ରକ (ଓଡ଼ିଶା ରିପୋର୍ଟ): ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଆଜି ସକାଳ ୭ଟାରୁ ମତଦାନ ଆରମ୍ଭ ହୋଇଥିବା ବେଳେ ଦୁଇଟି ସ୍ଥାନରେ ଇଭିଏମ୍ ଭଙ୍ଗା ଯାଇଥିବା ନେଇ ସୂଚନା ଆସିଛି।

ଯାଜପୁର ଜିଲ୍ଲା ଧର୍ମଶାଳାର ୧୭୩ ନମ୍ବର ବୁଥ୍‌ରେ ଜଣେ ଭୋଟର ଇଭିଏମ୍‌ ଭାଙ୍ଗି ଦେଇଥିବା ଜଣାପଡ଼ିଛି। ତେବେ ସେ କାହିଁକି ଇଭିଏମ୍‌ ଭାଙ୍ଗିଲେ, ତାହା ଜଣାପଡ଼ିନି।

ସେହିପରି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ନିର୍ବାଚନ ମଣ୍ଡଳୀର ରହଣିଆ ପଞ୍ଚାୟତର ୨୭୩ ନମ୍ବର ବୁଥ୍‌ରେ ଇଭିଏମ୍‌ ଭଙ୍ଗା ଯାଇଥିବା ସୂଚନା ମିଳିଛି। ତେବେ ଏଠାରେ କେଉଁ ପରିସ୍ଥିତିରେ କିଏ ଇଭିଏମ୍ ଭାଙ୍ଗିଲେ, ତାହା ସ୍ପଷ୍ଟ ହୋଇନି।

ଅନ୍ୟପକ୍ଷରେ ଆଜି ବହୁ ସ୍ଥାନରେ ଇଭିଏମ୍‌ ଅଚଳ ହୋଇଯାଇଥିଲା। କିଛି ସ୍ଥାନରେ ଇଭିଏମ୍‌ ଓ ଭିଭିପାଟ୍‌ରେ ତ୍ରୁଟି ଦେଖାଯାଇଥିଲା। ଫଳରେ ଭୋଟ୍ ଗ୍ରହଣ ବିଳମ୍ବିତ ହୋଇଥିଲା।

ଏହି ପର୍ଯ୍ୟାୟରେ କେନ୍ଦ୍ରାପଡ଼ା, ଯାଜପୁର, ଜଗତସିଂହପୁର, ବାଲେଶ୍ୱର, ଭଦ୍ରକ ଓ ମୟୂରଭଞ୍ଜ ଲୋକସଭା ଆସନ ଏବଂ ଏହା ଅନ୍ତର୍ଗତ ବିଧାନସଭା ଆସନ ପାଇଁ ମତଦାନ ହେଉଛି।

from Odisha Reporter http://bit.ly/2DAfwxa