ଗଛରୁ ଓହ୍ଲାଇବା ପାଇଁ ଅନୁରୋଧ କଲେ ମୋଦି

ନୂଆଦିଲ୍ଲୀ: ଦେଶରେ ନିର୍ବାଚନ ଋତୁ ଚାଲିଥିବା ବେଳେ ସ୍ଥାନ ଅନୁଯାୟୀ ବଦଳୁଛି ରାଜନୀତିକ ଦଳର ପାଣିପାଗ । ଗତକାଲି ଉତ୍ତର ପ୍ରଦେଶ ଆଜମଗଡ଼ରେ ବିଜେପି ରାଲିରେ ଚେୟାର ଖାଲି ପଡ଼ିଥିବା ବେଳେ ସମାନ ସମୟରେ କର୍ଣ୍ଣାଟକର ମାଙ୍ଗାଲୁରୁରେ ବିଜେପି ରାଲିରେ ଠିକ୍ ଓଲଟା ଚିତ୍ର ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ରାଲିକୁ ସମ୍ବୋଧନ କରୁଥିବା ବେଳେ ଉପସ୍ଥିତ ଜନତା ଚେୟାର ନ ପାଇ ଗଛ ଉପରେ ଚଢିଥିଲେ। ଆଉ ଟିକିଏ ଝଲକ ପାଇବା ପାଇଁ ମୋଦି..ମୋଦି ନାରା ଦେଇଥିଲେ।

#WATCH: Prime Minister Narendra Modi urges people to climb down the trees at his public rally in Mangaluru, as the crowd swells. #Karnataka pic.twitter.com/0SeGmY4ZH3

— ANI (@ANI) 13 April 2019

ତେବେ ଏଭଳି ଜନ ସମାଗମ ଦେଖି କିନ୍ତୁ ପ୍ରଧାନମନ୍ତ୍ରୀ ଉପସ୍ଥିତ ଜନତାଙ୍କୁ ଉଦବୋଧନ ଦେବା ପୂର୍ବରୁ ଗଛ ଉପରେ ଚଢିଥିବା ଜନତାଙ୍କୁ ଓହ୍ଲାଇବା ପାଇଁ ଅନୁରୋଧ କରିଥିଲେ। ଆପଣମାନେ ନିଜକୁ ସମ୍ଭାଳନ୍ତୁ, ଯଦି କିଛି ଆପଣମାନଙ୍କର ହୋଇଯିବ ତାହାଲେ ସେ ବହୁତ କଷ୍ଟ ଅନୁଭବ କରିବେ ବୋଲି ପ୍ରଧାନମନ୍ତ୍ରୀ କହିଥିଲେ। ମୁଁ ଆପଣଙ୍କର, ଆଉ କେତେବେଳେ ଆସିଲେ ଆପଣମାନଙ୍କ ସହ ମିଶିବି କହି ଗଛରୁ ଓହ୍ଲାଇବା ପାଇଁ ଲୋକଙ୍କୁ ଅନୁରୋଧ କରିଥିଲେ।

ସବୁଠୁ ବଡ଼ କଥା ହେଲେ ଉତ୍ତର ପ୍ରଦେଶରେ ବିଜେପି ସରକାରର ଥିବା ବେଳେ ନିଜ ରାଲିରେ ଚେୟାର ଖାଲି ପଡ଼ିଛି ହେଲେ କର୍ଣ୍ଣାଟକରେ ବିରୋଧୀ ଦଳରେ ଥାଇ ଜନସମାଗମ ଜୁଟାଇବାରେ ସମର୍ଥନ ହୋଇଛି ବିଜେପି।

from Odisha Reporter http://bit.ly/2X3U76O