ଧୋନି କିମ୍ବା ସଚିନ ନୁହନ୍ତି, ଏହି ଭାରତୀୟ କ୍ରିକେଟର ଆରମ୍ଭ କରିଥିଲେ ହେଲିକପ୍ଟର ଶଟ୍, ଦେଖନ୍ତୁ ଭିଡିଓ

ନୂଆଦିଲ୍ଲୀ: କ୍ରିକେଟ୍ ଇତିହାସରେ ‘ହେଲିକପ୍ଟର ଶଟ୍’ ଟିମ୍ ଇଣ୍ଡିଆର ମାହି ଅର୍ଥାତ୍ ମହେନ୍ଦ୍ର ସିଂହ ଧୋନିଙ୍କ ସିଗ୍ନେଚର୍ ଶଟ୍ ଭାବେ ପରିଚିତ। ଏହି ଶଟ୍ ଦ୍ୱାରା ଧୋନି ବଲକୁ ସିଧା ଷ୍ଟାଡିୟମ ବାହାରକୁ ପଠାଇ ଦିଅନ୍ତି। କିନ୍ତୁ ଏବେ ଏହି ଶଟକୁ ଅନ୍ୟ ବ୍ୟାଟ୍ସମ୍ୟାନ୍ ମଧ୍ୟ ମାରିବା ଆରମ୍ଭ କରିଦେଲେଣି। ଏପରିକି ପ୍ରତି ମ୍ୟାଚରେ ଏଭଳି ଶଟ୍ ଦେଖିବାକୁ ମିଳୁଛି।

ଭାରତୀୟ କ୍ରିକେଟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଚଳିତ ଆଇପିଏଲରେ କିଛି ହେଲିକପ୍ଟର୍ ଶଟ୍ ମାରି ଚର୍ଚ୍ଚାକୁ ଆସିଛନ୍ତି। ଏହା ମଧ୍ୟରେ ସୋଶାଲ ମିଡିଆରେ ଏକ ଭିଡିଓ ଭାଇରାଲ୍ ହେବାରେ ଲାଗିଛି, ଯେଉଁଥିରେ କୁହାଯାଇଛି ଯେ ହେଲିକପ୍ଟର ଶଟର ଶୁଭାରମ୍ଭ ଧୋନି କରିନାହାନ୍ତି, ବରଂ ଅନେକ ଦିନ ପୂର୍ବରୁ ଭାରତର ଜଣେ ପୂର୍ବତନ ଅଧିନାୟକ ଏଭଳି ଶଟ୍ ଖେଳିଥିଲେ। ଯାହା ଠିକ୍ ଧୋନିଙ୍କ ହେଲିକପ୍ଟର ଶଟ୍ ଭଳି ଥିଲା।

ଯଦି ଆମେ ହେଲିକପ୍ଟର ଶଟ୍ କଥା ଉଠାଇବା, ତାହେଲେ ସର୍ବପ୍ରଥମେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ୨୦୦୨ରେ ଇଂଲଣ୍ଡ ବିପକ୍ଷ ନାଟୱେଷ୍ଟ ସିରିଜରେ ଖେଳିଥିଲେ। କିନ୍ତୁ ଭାଇରାଲ୍ ହୋଇଥିବା ଭିଡିଓରେ ସଚିନଙ୍କୁ ମଧ୍ୟ ଚ୍ୟାଲେଞ୍ଜ ମିଳିଛି, ଯେଉଁଥିରେ କୁହାଯାଇଛି ଯେ ସର୍ବପ୍ରଥମେ ଏହି ଶଟ୍ ପୂର୍ବତନ ଅଧିନାୟକ ମହମ୍ମଦ ଆଝାରୁଦ୍ଦିନଙ୍କ ଦ୍ୱାରା ମରାଯାଇଥିଲା।

ଭିଡିଓରେ ଦେଖାଯାଇଥିବା ମ୍ୟାଚଟି ହେଲା ଭାରତ ଓ ଦକ୍ଷିଣ ଆଫ୍ରିକା, ଯାହା କୋଲାକାତାର ଇଡେନ୍ ଗାର୍ଡେନ୍ସରେ ଖେଳାଯାଇଥିଲା। ଏହି ମ୍ୟାଚରେ ଆଝାର ଦକ୍ଷିଣ ଆଫ୍ରିକାର ଲାନ୍ସ କ୍ଲୁଜନରଙ୍କ ବିରୋଧରେ ଚମତ୍କାର ହେଲିକପ୍ଟର ଶଟ୍ ଖେଳି ଦର୍ଶକଙ୍କ ମନ ଜିଣିଥିଲେ। ତେବେ ସେହି ସମୟରେ ସୋଶାଲ ମିଡିଆ ନଥିଲା, ଯେଉଁ କାରଣରୁ ଏହି ଶଟ୍ ସେତେବେଳେ ଭାଇରାଲ୍ ହୋଇପାରିନଥିଲା।

ଏହି ମ୍ୟାଚଟି ୨୦୦୦ ମସିହା ଜୁନ୍ ମାସରେ ଖେଳାଯାଇଥିଲା। ତେଣୁ ଏଥିରୁ ସ୍ପଷ୍ଟ ଯେ, ସଚିନଙ୍କ ପୂର୍ବରୁ ଆଝାର ହିଁ ଏହି ଶଟ୍ ଆରମ୍ଭ କରିଥିଲେ। କିନ୍ତୁ ଆଧୁନିକ ଯୁଗରେ ଧୋନିଙ୍କୁ ଏହି ଶଟର ଉଦ୍ଭାବକ ବୋଲି କୁହାଯାଉଛି। ଯାହା ପରେ କେବଳ ଭାରତୀୟ ନୁହେଁ, ବିଦେଶୀ ଖେଳାଳିମାନେ ମଧ୍ୟ ହେଲିକପ୍ଟର୍ ଶଟ୍ ମାରିବାର କଳା ଶିଖିଲେଣି।

ଦେଖନ୍ତୁ ଭିଡିଓ

Dhoni fans giving whole credits to MS Dhoni for inventing Helicopter Shot, but that shot was played by Tendulkar way back in 2002. And even before that Mohammed Azharuddin played that shot against South Africa at the Eden's. pic.twitter.com/u1jgROaslJ

— Mufaddal Vohra (@mufaddal_vohra) April 18, 2019

from Odisha Reporter http://bit.ly/2VTd7VF