ବଲାଙ୍ଗିର(ଘଟେଶ୍ୱର ମିଶ୍ର): ଆକାଶ ମାର୍ଗରୁ ଖସିଲା ବେଲୁନ । ସେଥିରେ ପୁଣି ଖଞ୍ଜା ଯାଇଥିଲା ସର୍କିଟ ଓ କିଛି ଜି.ପି.ଏସ ସିଷ୍ଟମ। ପୂର୍ବରୁ ଏପରି ଜିନିଷ କେବେ ଦେଖି ନ ଥିବା ବଲାଙ୍ଗିର ଜିଲ୍କା ଗୁଡଭେଲା ବ୍ଲକ ସାନଡଙ୍ଗର ଗାଁର ନିରୀହ ଆଦିବାସୀ ଏହାକୁ ଦେଖି ଆତଙ୍କିତ ହୋଇପଡ଼ିଛନ୍ତି। କିଏ ଓ କେଉଁ ଉଦ୍ଦେଶ୍ୟ ରଖି ଏପରି ଜିପିଏସ୍ ଖଞ୍ଜା ଯାଇଥିବା ବେଲୁନ ଉଡ଼ାଉଥିଲା, ତାକୁ ନେଇ ଆରମ୍ଭ ହୋଇଯାଇଛି ତଦନ୍ତ।
ସୂଚନାଯୋଗ୍ୟ, ଗତକାଲି ସାନଡଙ୍ଗର ଗାଁରେ କେତେକ ମହିଳା ଚାଷ ଜମିରେ ଘାସ ଉପାଡୁଥିଲେ । ଏହି ସମୟରେ ଆକାଶମାର୍ଗରୁ ଏକ ବଡ ବେଲୁନ ଖସି ଆସି ଶିଶୁ ଭୋଇ ନାମକ ବ୍ୟକ୍ତିଙ୍କ ଚାଷ ଜମି ଉପରେ ପଡିଥିଲା । ଧିରେ ଧିରେ ବେଲୁନଟିକୁ ଦେଖିବା ପାଇଁ ଲୋକେ ଭିଡ ଜମାଇଥିଲେ । ଏହାପରେ ବେଲୁନଟି ଫାଟି ଯାଇଥିଲା ।
କିନ୍ତୁ ଆଶ୍ଚର୍ଯ୍ୟର କଥା, ବେଲୁନରେ ସର୍କିଟ ଓ କିଛି ଜି.ପି.ଏସ ସିଷ୍ଟମ ଖଞ୍ଜା ଯାଇଥିବା ଦେଖି ଗ୍ରାମବାସୀଙ୍କ ମନରେ ଛନକା ପଶି ଯାଇଥିଲା। ଏନେଇ ସେମାନେ ତୁଷୁରା ପୋଲିସକୁ ଖବର ଦେଇଥିଲେ ।
ତୁଷୁରା ଥାନାଧିକାରୀ ଘଟଣାସ୍ଥଳରେ ପହଞ୍ଚି ବେଲୁନ ଏବଂ ସେଥିରେ ଲାଗିଥିବା ଯନ୍ତ୍ରପାତିକୁ ଜବତ କରିଛନ୍ତି । କିନ୍ତୁ ବେଲୁନରେ ଲାଗିଥିବା ବ୍ୟାଟେରୀ କେହି ନେଇ ଯାଇଥିବା ଜଣାପଡିଛି ।
ଜଙ୍ଗଲ ଭିତରେ ଥିବା ଗାଁରେ ବେଲୁନ ଖସିବାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଲିଯାଇଛି । ଜବତ କରାଯାଇଥିବା ସକ୍ରିଟ ଏବଂ ଜି.ପି.ଏସ ସିଷ୍ଟମକୁ ପରୀକ୍ଷା ପାଇଁ ପୁଲିସ୍ ପଠାଇଦେବା ସହିତ ଅଧିକ ତଦନ୍ତ ଜାରୀ ରଖିଛି ।
The post ଆକାଶ ମାର୍ଗରୁ ଖସିଲା ବେଲୁନ, ଖଞ୍ଜାଯାଇଥିଲା ସର୍କିଟ ଓ ଜି.ପି.ଏସ ସିଷ୍ଟମ appeared first on Odisha Reporter.
from Odisha Reporter https://ift.tt/3mkXyDQ
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment