ପିଆଜ ଚୋରି କରିବାକୁ ଯାଇ ଧରାପଡ଼ିଗଲେ ୨ ଯୁବକ

ପୁଣେ: ପିଆଜ ଦର ଦିନକୁ ଦିନ ହୁ ହୁ ହୋଇ ବଢ଼ି ଚାଲିଥିବା ଏହା ଏବେ ଗ୍ରାହକଙ୍କୁ କନ୍ଦାଉଛି। ଏପରି ସ୍ଥିତିରେ ପିଆଜ ଚୋରି କରିବାକୁ ସାହସ କରି ବନ୍ଧା ହେଲେ ୨ ଯୁବକ ।  ମହରାଷ୍ଟ୍ର ପୁଣେରେ ଘଟିଛି ଏଭଳି ଅଭାବନୀୟ ଘଟଣା । ଗିରଫଦ୍ୱୟ ହେଲେସଞ୍ଜୟ ପରାଧି ଓ ପୋପତେ କାଲେ।

ପୁଣେର ମଉଜେ ଦେଭ୍‌ଜାଲି  ଗାଁରେ ସାମ୍ନାକୁ ଆସିଛି ପିଆଜ ଚୋରି ଘଟଣା । ପୁନେରେ ପିଆଜ କିଲୋ ୧୦୦ ଟଙ୍କା ଥିବା ବେଳେ  ଏହି ୨ ଯୁବକ ୫୫୦ କେଜି ପିଆଜ ଚୋରି କରିବାକୁ ଉଦ୍ୟମ କରି ଧରାପଡ଼ିଗଲେ। ଏହାପରେ ସେମାନଙ୍କ ବିରୋଧରେ ପୁନେର ନାରାୟଣଗାଁ ପୁଲିସ୍‌ ଷ୍ଟେଶନରେ ମାମଲା ରୁଜୁ ହୋଇଥିବା ଜଣାଯାଇଛି।

ଲଗାଣ ବର୍ଷା ଯୋଗୁ ପୁନେରେ ଚାଷ ହୋଇଥିବା ପିଆଜ ଫସଲ ସମ୍ପୂର୍ଣ୍ଣ ଭାବେ ଉଜୁଡ଼ି ଯାଇଥିବା ବେଳେ ଚାଷୀ ମୁଣ୍ଡରେ ହାତ ଦେଲେଣି। ଏପରି ସ୍ଥିତିରେ ସେଠାରେ ପିଆଜ କିଲୋ ୧୦୦ ଟଙ୍କାରୁ ଊର୍ଦ୍ଧ୍ୱ ରହିଛି।

The post ପିଆଜ ଚୋରି କରିବାକୁ ଯାଇ ଧରାପଡ଼ିଗଲେ ୨ ଯୁବକ appeared first on Odisha Reporter.

from Odisha Reporter https://ift.tt/35tSeWQ