ଜାଳିଗଲା ହାର୍ଲି ଡାଭିଡସନ ଶୋ’ରୁମ

ନୂଆଦିଲ୍ଲୀ: ହାର୍ଲି ଡାଭିଡସନ ଶୋ’ରୁମରେ ଭୟଙ୍କର ଅଗ୍ନିକାଣ୍ଡ । ନୂଆଦିଲ୍ଲୀ ସ୍ଥିତ ମୋତିନଗର ଅଞ୍ଚଳରେ ଥିବା ହାର୍ଲି ଡାଭିଡସନ ଶୋ’ରୁମରେ ଏହି ଅଘଟଣ ଘଟିଛି । ବିଳମ୍ବିତର ରାତିରେ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି । ନିଆଁ ଲିଭା କାର୍ଯ୍ୟରେ ୨୫ ଅଗ୍ନିଶମ ବାହିନୀ ନିୟୋଜିତ ଅଛନ୍ତି ।

ସେପଟେ ତୃତୀୟ ମହଲାରେ ଥିବା ନାଇଟ କ୍ଲବ ଭିତରେ ଫସି ରହିଥିବା ୪ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଦୀର୍ଘ ୪ ଘଣ୍ଟାର ପରିଶ୍ରମ ପରେ ଭୋର ସାଢ଼େ ୫ ଟା ବେଳେ ନିଆଁକୁ ଆୟତ୍ତ କରାଯାଇଥିବା ନେଇ ଅଗ୍ନିଶମବାହିନୀ ସୂଚନା ଦେଇଛି ।

Fire broke out at Harley Davidson showroom situated at first & second floors of a building in Moti Nagar at 1:38 am today. 4 people were rescued from night club at third floor of the building. 25 fire engines were rushed. Fire brought under control at 5:50 am: Delhi Fire Service pic.twitter.com/i0zaZHiyb5

— ANI (@ANI) January 2, 2021

ମିଳିଥିବା ସୂଚନା ମୁତାବକ, ଗତକାଲି ରାତି ପ୍ରାୟ ୧.୩୦ ବେଳେ ହାର୍ଲି ଡାଭିଡସନ ଶୋ’ରୁମର ପ୍ରଥମ ଏବଂ ଦ୍ୱିତୀୟ ମହଲାରେ ନିଆଁ ଲାଗିଥିଲା । ଧୀରେ ଧୀରେ ଏହା ଭୟଙ୍କର ରୂପ ନେଇ ତୃତୀୟ ମହଲାକୁ ମାଡିଯାଇଥିଲା । ପରେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି । ତେବେ କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଥିଲା ସେ ନେଇ କୌଣସି ସୂଚନା ମିଳିନାହିଁ ।

The post ଜାଳିଗଲା ହାର୍ଲି ଡାଭିଡସନ ଶୋ’ରୁମ appeared first on Odisha Reporter.

from Odisha Reporter https://ift.tt/3rL1FM2