ରାଜ୍ୟପାଳଙ୍କ ଉପରେ ପ୍ରଶ୍ନ ଉଠାଇଲେ ରାହୁଲ୍, ‘ମଣିପୁରରେ ବେଆଇନ୍ ସରକାର’

ଇମ୍ଫାଲ୍: ମଣିପୁରର ୧୨ ବିଜେପି ବିଧାୟକ ‘ଅଫିସ୍ ଅଫ୍ ପ୍ରୋଫିଟ୍’ ମାମଲାରେ ଅଯୋଗ୍ୟ ଘୋଷିତ ହେବା କଥା। ହେଲେ ଏଭଳି ନକରି ସାମ୍ୱାଧାନିକ ପଦ ପଦବୀରେ ଥିବା ବ୍ୟକ୍ତି ରାଜଧର୍ମର ଅପମାନ କରିଛନ୍ତି। ରାହୁଲ୍ ଗାନ୍ଧୀ ଟ୍ୱିଟ୍ କରି ଏଭଳି ବର୍ଷିଛନ୍ତି। ରାଜ୍ୟରେ ବିଜେପି କୁତ୍ରିମ ବହୁମତ ତିଆରି କରି ଅସାମ୍ୱାଧିନିକ ସରକାର ଚଳାଉଥିବା କଂଗ୍ରେସ ଅଭିଯୋଗ କରିଛି।

କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି, ‘୧୨ ବିଧାୟକଙ୍କୁ ଲାଭଜନକ ପଦବୀରେ ଅଯୋଗ୍ୟ କରାଯିବା ଉଚିତ୍। କିନ୍ତୁ ସାମ୍ବିଧାନିକ ପଦ ପଦବୀରେ ଥିବା ବ୍ୟକ୍ତି ଏହି ନିଷ୍ପତ୍ତିରେ ବିଳମ୍ବ କରୁଛନ୍ତି’।

ରାହୁଲ ଗାନ୍ଧୀ ଟୁଇଟ୍‌ରେ କହିଛନ୍ତି ଯେ ମଣିପୁର ବିଜେପିର ୧୨ ଜଣ ବିଧାୟକଙ୍କୁ ଅଫିସ୍ ଅଫ୍ ପ୍ରୋଫିଟ୍ ବା ଲାଭ ଜନକ ପଦବୀ ଅନୁଯାୟୀ ୨୦୧୮ରେ ଅଯୋଗ୍ୟ ଘୋଷିତ କରାଯିବା ଉଚିତ୍। ଏବେ ନିର୍ବାଚନ କମିଶନ କହିଛନ୍ତି ଯେ ମଣିପୁର ରାଜ୍ୟପାଳଙ୍କୁ ଏ ସମ୍ପର୍କରେ ନିର୍ଦ୍ଦେଶ ଦିଆଯାଇଛି। କିନ୍ତୁ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ରାଜ୍ୟପାଳ ଏଭଳି କରି ବିଜେପିକୁ ସୁରକ୍ଷା ଦେବା ସଂପୂର୍ଣ୍ଣ ଅସାମ୍ବିଧାନିକ’।

12 BJP Manipur MLAs should have been disqualified in 2018 in office of profit case.

Now, ECI says that Manipur Governor has already been instructed about the same but no action has been taken yet.

Entirely unconstitutional of the Governor to protect BJP.

— Rahul Gandhi (@RahulGandhi) March 2, 2021

ସେହିପରି କଂଗ୍ରେସ ମୁଖପାତ୍ର ଅଭିଷେକ ସିଂଭି ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ ୨୦୧୭ରେ ୧୨ ଜଣ ବିଧାୟକଙ୍କୁ ମଣିପୁରରେ ସଂସଦୀୟ ସଚିବ ଭାବରେ ନିଯୁକ୍ତ କରାଯାଇଥିଲା। କିନ୍ତୁ ପରେ ସେମାନେ ଅଫିସ୍ ଅଫ୍ ପ୍ରୋଫିଟ୍ ଅନୁଯାୟୀ ତାଙ୍କୁ ହଟାଇ ଦିଆଯାଇଥିଲା। ସେ କହିଛନ୍ତି, ‘ସେପ୍ଟେମ୍ବର ୨୦୨୦ରେ ମଣିପୁର ହାଇକୋର୍ଟଙ୍କ ନିଷ୍ପତ୍ତି ପରେ ମଧ୍ୟ ବିଧାୟକମାନେ ଅଯୋଗ୍ୟ ହୋଇନଥିଲେ। ରାଜ୍ୟପାଳ ଏବଂ ନିର୍ବାଚନ ଆୟୋଗ ଏହି ପ୍ରସଙ୍ଗରେ ନିଷ୍ପତ୍ତି ନେବାରେ ବିଳମ୍ବ କରୁଛନ୍ତି’।

ସେ ଅଭିଯୋଗ କରିଛନ୍ତି ଯେ, ୨୦୧୭ରେ କଂଗ୍ରେସ ସଂଖ୍ୟାଗରିଷ୍ଠତା ହାସଲ କରିଥିଲା। ​​କିନ୍ତୁ ମାର୍ଚ୍ଚ ୨୦୧୭ରେ ଘୋଡା ବ୍ୟବସାୟ ଏବଂ ଅନ୍ୟାନ୍ୟ ପ୍ରକ୍ରିୟା ଜରିଆରେ ବିଜେପି ୨୮ ବିଧାୟକଙ୍କ ସହ ସଂଖ୍ୟା ଗରିଷ୍ଠତା ହାସଲ କରିଥିଲା। ଆଉ ସରକାର ଗଠନ କରିଛି।

ସେ ଅଭିଯୋଗ କରିଛନ୍ତି, “ବିଜେପି ସରକାର ଗଠନ କରିବା ପରେ ଦଳ ପରିବର୍ତ୍ତନ କରିଥିବା ୧୨ ଜଣ ବିଧାୟକଙ୍କୁ ପୁରସ୍କାର ପ୍ରଦାନ କରିଥିଲା। ତାଙ୍କୁ ସଂସଦୀୟ ସଚିବ ପଦ ଦିଆଯାଇଥିଲା କିନ୍ତୁ କିଛି ମାସ ପରେ ତାଙ୍କୁ ହଟାଇ ଦିଆଯାଇଥିଲା କାରଣ ଅଫିସ୍ ଅଫ୍ ପ୍ରୋଫିଟ୍ ଅନୁଯାୟୀ ସେହି ପଦଗୁଡିକ ବେଆଇନ ବୋଲି ଜଣାପଡ଼ିଥିଲା’।

The post ରାଜ୍ୟପାଳଙ୍କ ଉପରେ ପ୍ରଶ୍ନ ଉଠାଇଲେ ରାହୁଲ୍, ‘ମଣିପୁରରେ ବେଆଇନ୍ ସରକାର’ appeared first on Odisha Reporter.

from Odisha Reporter https://ift.tt/3bQeNs4