ମୁମ୍ବାଇ: ଖୁବଶୀଘ୍ର ହାତକୁ ଦି ହାତ ହେବେ ଟେଲିଭିଜନର ନାଗୀନ୍। ଦୁବାଇର ଜଣେ ବ୍ୟବସାୟୀଙ୍କୁ ମନ ଦେଇଦେଲେ ବଲିଉଡ ଅଭିନେତ୍ରୀ ମୌନୀ ରୟ। ଅଳ୍ପ ଦିନରେ ତାଙ୍କର ବାଜିବ ଶାହାନାଇ। ଏନେଇ ବି-ଟାଉନ ଗଳିରେ ଚର୍ଚ୍ଚା ଜୋର ଧରିଛି। ଦୀର୍ଘ ଦିନ ହେବ ମୌନୀ ଦୁବାଇ ସ୍ଥିତ ବ୍ୟାଙ୍କର ସୁରଜ ନାମ୍ବିଆରଙ୍କୁ ଡେଟ୍ କରୁଥିବା ନେଇ ଶୁଣିବାକୁ ମିଳୁଛି। ଏବେ ସେ ତାଙ୍କୁ ବିବାହ କରିବେ ବୋଲି ମଧ୍ୟ ଖବର ସାମ୍ନାକୁ ଆସିଛି।
ଟାଇମ୍ସ ଅଫ୍ ଇଣ୍ଡିଆର ଏକ ଖବର ମୁତାବକ ଗତ କିଛି ଦିନତଳେ ଅଭିନେତ୍ରୀ ମୌନୀଙ୍କ ମା’ ସୁରଜ ନାମ୍ବିୟାରଙ୍କ ପରିବାର ସହ ଭେଟିଥିଲେ। ସେଠାରେ ଉଭୟ ପରିବାର ମୌନୀ ଏବଂ ସୁରଜଙ୍କ ବିବାହକୁ ନେଇ କଥାବାର୍ତ୍ତା ହୋଇଥିବା ଜଣାପଡିଛି। କେବଳ ସେତିକି ନୁହେଁ ଉଭୟଙ୍କ ବିବାହ ତାରିଖ ମଧ୍ୟ ନିର୍ଦ୍ଧାରିତ ହୋଇସାରିଥିବା ବେଳେ ପ୍ରସ୍ତୁତି ମଧ୍ୟ ଆରମ୍ଭ ହୋଇସାରିଥିବା ଚର୍ଚ୍ଚା ହେଉଛି।
ରିପୋର୍ଟ ମୁତାବକ, ଏହି ଦେଖାସାକ୍ଷାତ ମନ୍ଦିରା ବେଦୀଙ୍କ ଘରେ ହୋଇଥିଲା। ଏହି ସମୟ ମୌନୀଙ୍କ ଭାଇ ମଧ୍ୟ ଉପସ୍ଥିତ ଥିଲେ। ମନ୍ଦିରା ବେଦୀ, ମୌନୀ ରୟ ପରସ୍ପର ଭଲ ବନ୍ଧୁ। ତେଣୁ ଏହି ସିକ୍ରଟ୍ ଭେଟଘାଟ ତାଙ୍କ ଘରେ ହୋଇଥିଲା। ତେବେ ସେ ଯାହା ହେଉ, ମୌନୀ ଏବଂ ସୁରଜଙ୍କ ବିବାହ କେବେ ହେଉଛି ତାହା ଦେଖିବାକୁ ବାକି ରହିଲା।
The post ମନ ଦେଇଦେଲେ ମୌନୀ, ଅଳ୍ପ ଦିନରେ ବାଜିବ ଶାହାନାଇ appeared first on Odisha Reporter.
from Odisha Reporter https://ift.tt/38OITvv
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment