‘ତାଲିବାନ ସରକାର ଗଠନ ପ୍ରକ୍ରିୟା ଶେଷ’

କାବୁଲ: ଆଫଗାନିସ୍ତାନରେ ଗଠନ ହେବ ତାଲିବନ ସରକାର। ଏନେଇ ସମସ୍ତ ପ୍ରସ୍ତୁତି ସରିଛି। କେବଳ ଘୋଷଣା ହେବା ବାକି ରହିଛି ବୋଲି ତାଲିବାନ ମୁଖପାତ୍ର ଅହମ୍ମଦଦୁଲା ମୁତାକି କହିଛନ୍ତି।

ସୋମବାର ତାଲିବାନ ପଞ୍ଜଶିର ଘାଟିକୁ ସମ୍ପୂର୍ଣ୍ଣ ରୂପେ ଦଖଲ କରିଥିବା ନେଇ ଦାବି କରିଥିଲା। ଏହାପରେ ଆଫଗାନିସ୍ତାନରେ ପରବର୍ତ୍ତୀ ସରକାର ଗଠନ କରିବା ପାଇଁ ଚୂଡ଼ାନ୍ତ ପ୍ରକ୍ରିୟା ଆରମ୍ଭ କରିଦେଇଥିବା ନେଇ ଖବର ମିଳିଥିଲା। ତେବେ ଆଜି ସରକାର ଗଠନ ନେଇ ସମସ୍ତ ପ୍ରସ୍ତୁତି ସରିଛି ବୋଲି ତାଲିବାନ ମୁଖପାତ୍ର ଅହମ୍ମଦୁଲ୍ଲା ମୁତାକି ଟୁଇଟ୍‌ କରି କହିଛନ୍ତି।

ସେ ଲେଖିଛନ୍ତି ଯେ, ‘ଇସଲାମ ସରକାର ଘୋଷଣା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଭଗବାନଙ୍କ ଇଚ୍ଛାରେ ଖୁବ ଶୀଘ୍ର ସରକାର ଘୋଷଣା କରାଯିବ। ଆଫଗାନିସ୍ତାନ ଇତିହାସର ଗତ ୪୦ବର୍ଷ ମଧ୍ୟରେ ଏହା ଏକମାତ୍ର ସରକାର ହେବ ଯାହା ସମଗ୍ର ଆଫଗାନିସ୍ତାନ ଉପରେ ଶାସନ କରିବ। ତେବେ ସରକାର ଘୋଷଣା କରିବାର କୌଣସି ନିର୍ଦ୍ଦିଷ୍ଟ ତାରିଖ ସାମ୍ନାକୁ ଆସିନଥିଲେ ବି ଆସନ୍ତା କିଛି ଦିନ ମଧ୍ୟରେ ଘୋଷଣା ହୋଇପାରେ ବୋଲି ଆଶା କରାଯାଉଛି।’

Preparations for the declaration of the Islamic government have been completed, the government will be announced soon, God willing.
Note:
In the last 40 years of Afghanistan's history, it will be the only government that will rule over the whole of Afghanistan.

— Ahmadullah Muttaqi (@Ahmadmuttaqi01) September 6, 2021

ସୂଚନା ମୁତାବକ, ଆଫଗାନିସ୍ତାନରେ ସରକାର ଗଠନ ପାଇଁ ତାଲିବାନ ପକ୍ଷରୁ ଆୟୋଜିତ ହେବାକୁ ଥିବା ଉତ୍ସବରେ ସାମିଲ ହେବା ପାଇଁ ୬ଟି ଦେଶକୁ ଆମନ୍ତ୍ରିତ କରାଯାଇଛି। ପାକିସ୍ତାନ, ତୁର୍କୀ, କତାର, ରୁଷିଆ, ଚୀନ୍‌ ଓ ଇରାନକୁ ତାଲିବାନ ପକ୍ଷରୁ ବିଧିବଦ୍ଧ ନିମନ୍ତ୍ରଣ ପଠାଯାଇଛି।

ତାଲିବାନ ମୁଖପାତ୍ର ଜାବିହୁଲ୍ଲା ମୁଜାହିଦ୍‌ ସୋମବାର ସାମ୍ବାଦିକ ସମ୍ମିଳନୀରେ କହିଥିଲେ, ‘ଯୁଦ୍ଧ ଶେଷ ହୋଇଛି। ସେମାନେ ଏବେ ସ୍ଥିର ଓ ଶାନ୍ତ ଆଫଗାନିସ୍ତାନ ପାଇବାକୁ ଆଶା କରୁଛନ୍ତି। ଯିଏ ଅସ୍ତ୍ର ଉଠାଇବ, ସେ ଲୋକ ତଥା ଦେଶର ଶତ୍ରୁ। ଆକ୍ରମଣକାରୀମାନେ ଆମ ଦେଶକୁ କେବେବି ପୁନଃ ନିର୍ମାଣ କରିବେ ନାହିଁ ଏବଂ ଏହା ଆମମାନଙ୍କର ଦାୟିତ୍ୱ।’

ସେପଟେ ତାଲିବାନ ପକ୍ଷରୁ ଆଫଗାନର ମୁଖ୍ୟ ବା ରାଷ୍ଟ୍ରପତି ଭାବେ ମୁଲ୍ଲା ମହମ୍ମଦ ହସନ ଅଖୁନ୍ଦ ମନୋନୀତ ହୋଇଥିବା ସ୍ଥାନୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି। ତାଲିବାନ କହିଛି ଯେ ବୁଧବାର ଦିନ ବିଧିବଦ୍ଧ ଭାବେ ଆଫଗାନରେ ତାଲିବାନୀ ଶାସନ ଆରମ୍ଭ ହେବ। ସେହିଦିନ ସରକାର ଗଠନ ସମ୍ପର୍କରେ ଘୋଷଣା ହେବ।

The post ‘ତାଲିବାନ ସରକାର ଗଠନ ପ୍ରକ୍ରିୟା ଶେଷ’ appeared first on Odisha Reporter.

from Odisha Reporter https://ift.tt/2Yoz5Ws