ମଧ୍ୟସ୍ଥି ଜରିଆରେ ଲାଞ୍ଚ ନେଉଥିଲେ ଏଏସଆଇ, ମାଡ଼ି ବସିଲା ଭିଜିଲାନ୍ସ

କେନ୍ଦ୍ରାପଡ଼ା(ମନୋଜ ସ୍ୱାଇଁ): ୩୦୭ ଦଫା କାଟି  ଦଫା ୧୦୭ ଲଗାଇବାକୁ ଦାବି କରୁଥିଲେ ୧୦ ହଜାର ଟଙ୍କା।  ଦଫା କମ୍‌ କରିଦେବାକୁ କାକୁତିମିନତି ହେବାରୁ ମାଗୁଥିଲେ ଲାଞ୍ଚ । ଶେଷରେ ମଧ୍ୟସ୍ଥି ଜରିଆରେ ଲାଞ୍ଚ ନେଉଥିବା ବେଳେ କେନ୍ଦ୍ରାପଡା ସଦର ଥାନା ଏଏସଆଇ ପୃଥୀରାଜ ମିଶ୍ରଙ୍କୁ ଗିରଫ କରିଛି କେନ୍ଦ୍ରାପଡା ଭିଜିଲାନ୍ସ ଟିମ୍‌ ।

କୋରୁଆ ଗ୍ରାମର ମିହିର ଲେଙ୍କାଙ୍କ ନାଁରେ ଥିବା ଏକ  ମାମଲାରରେ ୩୦୭ ଦଫା ଲାଗିଥିଲା। ଏହାକୁ କାଟି ଦଫା ୧୦୭ କରି ଦେବା ପାଇଁ ୧୦ ହଜାର ଟଙ୍କା ଦାବି କରିଥିଲେ ପୃଥୀରାଜ । ପ୍ରଥମ ପର୍ଯ୍ୟାୟରେ ୩ ହଜାର ଟଙ୍କା ନେଇଥିବା ବେଳେ ମଧ୍ୟସ୍ତି ଜରିଆରେ ଅବଶିଷ୍ଟ ୭ ହଜାର ଟଙ୍କା ନେଉଥିଲେ ।

ଏନେଇ ମିହିର ଭିଜିଲାନ୍ସ ଦ୍ୱାରସ୍ଥ ହୋଇଥିବା ବେଳେ  ପୃଥୀରାଜଙ୍କୁ ମାଡ଼ି ବସିବା ପାଇଁ ଜାଲ ବିଛାଇଥିଲା ପୁଲିସ୍‌। ମଧ୍ୟସ୍ତି ବିଜୟ କୁମାର ବେହେରାଙ୍କ ଜରିଆରେ ଏଏସଆଇ ପୃଥୀରାଜ ଅବଶିଷ୍ଟ ୭ ହଜାର  ଗତକାଲି ସନ୍ଧ୍ୟାରେ ଟଙ୍କା ନେଉଥିବା ବେଳେ ଭିଜିଲାନ୍ସ ଉଭୟ  ପୃଥୀରାଜ ଓ ବିଜୟଙ୍କୁ ଗିରଫ କରିଛି । ସେମାନଙ୍କ ନିକଟରୁ ଲାଞ୍ଚ ଟଙ୍କା ଜବତ ହୋଇଛି । ଭିଜିଲାନ୍ସ ଟିମ୍‌  ପୃଥ୍ୱୀରାଜଙ୍କ ସରକାରୀ କ୍ୱାର୍ଟର ଉପରେ ମଧ୍ୟ ଚଢ଼ାଉ କରିଛି ।

The post ମଧ୍ୟସ୍ଥି ଜରିଆରେ ଲାଞ୍ଚ ନେଉଥିଲେ ଏଏସଆଇ, ମାଡ଼ି ବସିଲା ଭିଜିଲାନ୍ସ appeared first on Odisha Reporter.

from Odisha Reporter https://ift.tt/mcPANEH