ଭୁବନେଶ୍ୱର (ଓଡ଼ିଶା ରିପୋର୍ଟର): କ୍ୟାଲ୍ସିୟମ୍ ଅଭାବ ହେଲେ ହାଡ଼ ଦୁର୍ବଳ ହୋଇଯାଏ। ଏକଥା ସମସ୍ତେ ଜାଣନ୍ତି। କିନ୍ତୁ ବହୁତ ଲୋକ ଏହା ଜାଣି ନଥିବେ ଯେ ଏମିତି କିଛି ଖାଦ୍ୟ ଓ ପାନୀୟ ରହିଛି ଯାହାକୁ ଖାଇଲେ ବା ସେବନ କଲେ ହାଡ଼ ଦୁର୍ବଳ ହୋଇଯାଏ। ତା’ହେଲେ ଆସନ୍ତୁ ଜାଣିବା ସେହି ଖାଦ୍ୟ ଓ ପାନୀୟଗୁଡ଼ିକ ବିଷୟରେ।
ଲୁଣ: ଅଧିକ ମାତ୍ରାରେ ଲୁଣ ଖାଇବା ଦ୍ୱାରା ହାଡ଼ ଦୁର୍ବଳ ହୋଇଯାଏ। ଲୁଣରେ ସୋଡିୟମ୍ ଥାଏ। ଏହା ଶରୀରକୁ ଯିବା ପରେ କ୍ୟାଲ୍ସିୟମ୍କୁ ପରିସ୍ରା ମାଧ୍ୟମରେ ଶରୀରରୁ ବାହାର କରିଦିଏ। ଫଳରେ ଶରୀରରେ କ୍ୟାଲ୍ସିୟମ୍ର ମାତ୍ରା କମିଯାଏ ଓ ହାଡ଼ ଦୁର୍ବଳ ହୋଇଯାଏ।
ଚକୋଲେଟ୍: ଅତ୍ୟଧିକ ଚକୋଲେଟ୍ ଖାଇଲେ ମଧ୍ୟ ହାଡ଼ ଦୁର୍ବଳ ହୋଇଯାଏ। ଏହାକୁ ଖାଇଲେ ଶରୀରରେ ସୁଗାର୍ ଏବଂ ଓକ୍ସଲେଟ୍ର ମାତ୍ରା ବଢ଼ିଥାଏ, ଯାହା ଶରୀରରୁ କ୍ୟାଲ୍ସିୟମ୍କୁ ଶୋଷଣ କରିଥାଏ।
ମଦ: ମଦ ପିଇବା ଦ୍ୱାରା ଶରୀରରେ କ୍ୟାଲ୍ସିୟମ୍ର ମାତ୍ରା ହ୍ରାସ ପାଇଥାଏ ଓ ଧୀରେ ଧୀରେ ହାଡ଼ ଦୁର୍ବଳ ହେବାରେ ଲାଗେ।
ଥଣ୍ଡା ପାନୀୟ: ଏଥିରେ କାର୍ବନ୍ ଡାଇଅକ୍ସାଇଡ୍ ଏବଂ ଫସ୍ଫରସ୍ ଅଧିକ ମାତ୍ରାରେ ରହିଥାଏ। ଏହାକୁ ପିଇବା ଦ୍ୱାରା ହାଡ଼ରେ ଫାଙ୍କ ସୃଷ୍ଟି ହୋଇଥାଏ।
ଚାହା ଏବଂ କଫି: ଚାହା ଏବଂ କଫି ଅଧିକ ମାତ୍ରାରେ ପିଇଲେ ମଧ୍ୟ ହାଡ଼ ଦୁର୍ବଳ ହୋଇଥାଏ। ଏଥିରେ କଫିନ୍ ରହିଛି, ଯାହା ଶରୀର ପାଇଁ କ୍ଷତିକାରକ।
from OdishaReporter https://ift.tt/2AnitSw
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment