ଆବଶ୍ୟକ ସାମଗ୍ରୀ- ଆଳୁ, ମଇଦା, ତେଲ, ବୁଟ, ଦହି, ଧନିଆପତ୍ର ଚଟଣି, ମିଠା ଚଟଣି, ସିଝା ଆଳୁ, ବୁନ୍ଦି, ପାମ୍ପଡ଼, ବେସନ ତିଆରି ସେଓ, ଲଙ୍କା ପାଉଡର, ବିଟ୍ ଲୁଣ ,ଜିରା ପାଉଡର, ଡାଳିମ୍ବ ମଞ୍ଜି।
ପ୍ରସ୍ତୁତି ପ୍ରଣାଳୀ- ପ୍ରଥମେ ଆଳୁକୁ ପୂରା ଛୋଟ ଛୋଟ କରି କାଟି ଦିଅନ୍ତୁ। ଏହା ପରେ ତାକୁ ଧୋଇ ଦିଅନ୍ତୁ। ଆଳୁରୁ ପାଣି ନିଗିଡ଼ି ଯିବା ପରେ ସେଥିରେ ଅଳ୍ପ ମଇଦା ପକାଇ ଗୋଳାନ୍ତୁ। ଦୁଇଟି ସିଲ୍ଭର ଚା’ ଛଣା ନିଅନ୍ତୁ। ଏହି ଚା’ଛଣାରୁ ଗୋଟେ ବଡ଼ ହୋଇଥିବା ଦରକର। ଆଉ ଏକ ଛୋଟ ହୋଇଥିବା ଦରକାର। ମଇଦାରେ ଗୋଳାଇ ରଖିଥିବା ଆଳୁକୁ ଗୋଲ ଗୋଲ କରି ବଡ଼ ଚା’ଛଣାରେ ରଖନ୍ତୁ। ତା’ଉପରେ ଛୋଟ ଚା’ ଛଣାକୁ ତା’ଉପରେ ଚାପିକି ରଖନ୍ତୁ। ଏବେ ଆଳୁ ଥିବା ଚା’ ଛଣାକୁ ତେଲ କଡ଼େଇରେ ରଖି ଦିଅନ୍ତୁ। ଆଳୁ ଛାଣି ହୋଇଯିବା ପରେ ଆଳୁର ଆରପାଖକୁ ଓଲଟାଇ ଛାଣନ୍ତୁ। ଦୁଇ ପଟ ଛାଣି ହୋଇଯିବା ପରେ ଆଳୁକୁ ପ୍ଲେଟ୍କୁ କାଢ଼ି ଦିଅନ୍ତୁ। ସେହି ଗୋଲାକୃତ ଆଳୁରେ ବୁଟ, ସିଝା ଆଳୁ କଟା, ବୁନ୍ଦି, ପାମ୍ପଡ଼, ସେଓ, ଦହି, ଧନିଆପତ୍ର ଚଟଣି, ମିଠା ଚଟଣି, ଲଙ୍କା ପାଉଡର, ବିଟ୍ ଲୁଣ ,ଜିରା ପାଉଡର ପକାନ୍ତୁ। ତା’ଉପରେ ଡାଳିମ୍ବ ମଞ୍ଜି ବି ପକାଇ ପାରିବେ। ଏବେ ପ୍ରସ୍ତୁତ ହୋଇଗଲା ‘ଆଳୁ ଲଚ୍ଛା ଟୋକରି ଚାଟ୍’।
from OdishaReporter https://ift.tt/2JGwjPq
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment