ଇସ୍ଲାମାବାଦ(ଓଡ଼ିଶା ରିପୋର୍ଟର): ପାକିସ୍ତାନ ନିର୍ବାଚନରେ କ୍ରିକେଟର୍ରୁ ରାଜନେତା ବନିଥିବା ଇମ୍ରାନ ଖାନ୍ଙ୍କ ଦଳ ପାକିସ୍ତାନ ତେହେରିକ୍-ଏ-ଇନ୍ସାଫ୍ (ପିଟିଆଇ) ସର୍ବବୃହତ ଦଳ ଭାବେ ଉଭା ହୋଇଛି। ଦଳକୁ ୧୧୬ଟି ଆସନ ମିଳିଛି। ତେଣୁ ଇମ୍ରାନ୍ଙ୍କ ଦଳ ଅନ୍ୟ ସ୍ୱାଧୀନ ପ୍ରାର୍ଥୀ ଓ କ୍ଷୁଦ୍ର ଦଳଙ୍କ ସହ ମିଶି ସରକାର ଗଠନ କରିବ ବୋଲି କଷରତ ଆରମ୍ଭ କରିଛି।
ତେବେ କିଛି ଦଳ ଇମ୍ରାନ୍ଙ୍କ ସହ ହାତ ମିଳାଇବାକୁ ଚାହୁଁ ନଥିଲେ ହେଁ ପିଟିଆଇ ଆସନ୍ତା ଅଗଷ୍ଟ ୧୪ ପାକ୍ ସ୍ୱାଧୀନତା ଦିବସ ପୂର୍ବରୁ ସରକାର ଗଠନ କରିବ। ଏଥିସହ ଇମ୍ରାନ୍ ପ୍ରଧାନମନ୍ତ୍ରୀ ଭାବେ ଶପଥ ନେବେ ବୋଲି ଆଜି ଦଳ ପକ୍ଷରୁ ଦୃଢ଼ୋକ୍ତି କରାଯାଇଛି।
ପାକିସ୍ତାନ ସଂସଦର ୩୪୨ଟି ଆସନରୁ ୨୭୨ ଆସନ ପାଇଁ ସିଧାସଳଖ ନିର୍ବାଚନ ହୋଇଥାଏ। ଯେଉଁ ଦଳ ସଂସଦରେ ମ୍ୟାଜିକ୍ ନମ୍ବର ୧୭୨ ଛୁଇଁଏ, ସେ ହିଁ ସରକାର ଗଠନ କରିଥାଏ। ପିଟିଆଇ ୧୧୬ଟି ଆସନରେ ଜିତିଥିବା ବେଳେ ନୱାଜ ସରିଫ୍ଙ୍କ ପାକିସ୍ତାନ ମୁସଲିମ ଲିଗ୍-ନୱାଜ(ପିଏମଏଲ୍-ଏନ୍) ୬୪ ଓ ପିପିପି ୪୩ଟି ଆସନରେ ବିଜୟୀ ହୋଇଛନ୍ତି।
from OdishaReporter https://ift.tt/2mN7xnE
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment