ଶେଷ ସୁଯୋଗ: ତୃତୀୟ ସ୍ଥାନ ପାଇଁ ହେବ ଲଢ଼େଇ

ଭୁବନେଶ୍ୱର(ଓଡ଼ିଶା ରିପୋର୍ଟର): ଆସନ୍ତାକାଲି ଖେଳାଯିବ ଫିଫା ବିଶ୍ୱକପର ତୃତୀୟ ସ୍ଥାନ ପାଇଁ ମ୍ୟାଚ। ଇଂଲଣ୍ଡ ଓ ବେଲଜିୟମ୍‌ ଟିମ୍‌ର ବିଶ୍ୱକପ ସ୍ୱପ୍ନ ଭାଙ୍ଗିବା ପରେ ଏବେ ତୃତୀୟ ସ୍ଥାନ ପାଇଁ ହେବ ଲଢ଼େଇ। ଇଂଲଣ୍ଡ ସେମିଫାଇନାଲ୍‌ରେ କ୍ରୋଏସିଆ ଠାରୁ ୧-୨ ଗୋଲ୍‌ରେ ପରାସ୍ତ ହୋଇଥିବା ବେଳେ ଫ୍ରାନ୍ସ ଠାରୁ ୧-୦ରେ ପରାସ୍ତ ହୋଇଥିଲା ବେଲ୍‌ଜିୟମ୍‌।

ଚଳିତ ବିଶ୍ୱକପରେ ଆରମ୍ଭରୁ ଏହି ଦୁଇ ଦଳ ଭଲ ପ୍ରଦର୍ଶନ କରିଥିଲେ ମଧ୍ୟ ଫାଇନାଲ୍‌ରେ ପହଞ୍ଚିପାରି ନଥିଲେ। ପ୍ରଥମ ୫ଟି ମ୍ୟାଚରେ ଲଗାତାର ବିଜୟ ପରେ ସେମିଫାଇନାଲ୍‌ରେ ପରାଜୟର ସାମ୍ନା କରିଥିଲା ବେଲଜିୟମ୍‌। ଗୋଟିଏ ଗ୍ରୁପରେ ଥିବା ଇଂଲଣ୍ଡ ଓ ବେଲଜିୟମ୍‌ ପୂର୍ବରୁ ସାମ୍ନାସାମ୍ନି ହୋଇସାରିଛନ୍ତି ଲିଗ୍ ପର୍ଯ୍ୟାୟରେ। ଯେଉଁ ମ୍ୟାଚ୍‌ରେ ଇଂଲଣ୍ଡକୁ ୧-୦ ଗୋଲରେ ପରାସ୍ତ କରିଥିଲା ବେଲଜିୟମ୍‌।

ଚଳିତ ବିଶ୍ୱକପ ଆରମ୍ଭରୁ ଯେଉଁଭଳି ଆକର୍ଷଣୀୟ ଖେଳ ଜାରି ରଖିଥିଲେ, ଫୁଟବଲ ପଣ୍ଡିତ ଆଶା କରିଥିଲେ ଏହି ଦୁଇ ଟିମ୍‌ ମଧ୍ୟରୁ ଗୋଟିଏ ଟିମ୍‌ ବିଜେତା ହେବ ବୋଲି। ହେଲେ ଏହି ସବୁ ଅଙ୍କ ଭୁଲ୍‌ ପ୍ରମାଣିତ କରି ଫ୍ରାନ୍ସ ଓ କ୍ରୋଏସିଆ ଫାଇନାଲ୍‌ ଟିକେଟ୍‌ ହତେଇଛନ୍ତି। ଆସନ୍ତା ୧୫ ତାରିଖ ରବିବାର ଦିନ ଫିଫା ବିଶ୍ୱକପ ଗ୍ରାଣ୍ଡ୍‌ ଫାଇନାଲ୍‌ ମ୍ୟାଚ୍‌ ଫ୍ରାନ୍ସ ଓ କ୍ରୋଏସିଆ ମଧ୍ୟରେ ଖେଳାଯିବ।

from OdishaReporter https://ift.tt/2L7Bmxa