ଅଲାରନାଥ ମନ୍ଦିର ହୁଣ୍ଡିରୁ ଚୋରିକୁ ନେଇ ହାତାହାତି, ଦେଖନ୍ତୁ ଭିଡିଓ

ବ୍ରହ୍ମଗିରି (ରବି ନାରାୟଣ ପୂଜାରୀ): ପ୍ରସିଦ୍ଧ ଅଲାରନାଥ ମନ୍ଦିର ହୁଣ୍ଡିରୁ ଚୋରି ଅଭିଯୋଗକୁ ନେଇ ମନ୍ଦିର ଉନ୍ନୟନ କମିଟି ସଭାପତି ଓ ସେବାୟତଙ୍କ ମଧ୍ୟରେ ହାତାହାତି ପରିସ୍ଥିତି ସୃଷ୍ଟି ହୋଇଛି। ବଚସାରୁ କଥା ଗଣ୍ଡଗୋଳ ଓ ହାତାହାତି ପର୍ଯ୍ୟନ୍ତ ଯାଇଛି।

ଅଲାରନାଥ ମନ୍ଦିର ହୁଣ୍ଡିରୁ ଗତ ୧୦ ତାରିଖ ରାତିରେ ଚୋରି ହୋଇଥିବା ସଂପର୍କରେ ଜଣାପଡ଼ିଥିଲା। ଏ ସଂପର୍କରେ ମନ୍ଦିରରେ ଲାଗିଥିବା ସିସିଟିଭି ଚିତ୍ରରୁ ସ୍ପଷ୍ଟ ହୋଇଥିଲା। ଏ ସଂପର୍କରେ ସରକାରୀ ଅଧିକାରୀମାନଙ୍କୁ ଜଣାଇ ଦିଆଯାଇଥିଲା। କିନ୍ତୁ ଘଟଣାର ଦୁଇଦିନ ପରେ ମଧ୍ୟ କୌଣସି ପଦକ୍ଷେପ ନିଆନଯିବାରୁ ଗତକାଲି ସେବାୟତ ମାନଙ୍କର ଏକ ଗୋଷ୍ଠୀ ତହସିଲଦାରଙ୍କୁ ଲିଖିତ ଅଭିଯୋଗ କରିଥିଲେ। ଅନ୍ୟପକ୍ଷରେ ସିସିଟିଭି ଫୁଟେଜ୍‌ ପ୍ରସାରିତ ହୋଇଯିବା ପରେ ଓ ବିଭିନ୍ନ ଟେଲିଭିଜନରେ ପ୍ରସାରିତ ହେବାପରେ ଭକ୍ତଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହି ଘଟଣାକୁ ନେଇ ଆଜି ମନ୍ଦିର କମିଟି ଓ ସେବାୟତ ହାତାହାତି ହୋଇଥିବା ଅଭିଯୋଗ ହୋଇଛି।

from OdishaReporter https://ift.tt/2zz3u7D