ନୂଆଦିଲ୍ଲୀ: ବିଶ୍ୱ ଚାମ୍ପିଅନ୍ ଭାରୋତ୍ତଳକ ମୀରାବାଈ ଚାନୁଙ୍କ ପିଠି ଯନ୍ତ୍ରଣା କମିବାର ନା ନେଉନାହିଁ। ଫଳରେ ଜାକର୍ତ୍ତାରେ ହେବାକୁ ଥିବା ଏସିଆନ୍ ଗେମସ୍ରେ ସେ ଭାଗନେବା ନେଇ ଆଶଙ୍କା ପ୍ରକାଶ ପାଇଛି।
ମୁଖ୍ୟକୋଚ୍ ବିଜୟ ଶର୍ମା ମୀରାବାଈଙ୍କ ଫିଟ୍ନେସ୍କୁ ଦୃଷ୍ଟିରେ ରଖି ଏସିଆନ୍ ଗେମସ୍ ନଯିବାକୁ ପରାମର୍ଶ ଦେଇଛନ୍ତି। ମୀରାବାଈ ଏସିଆନ୍ ଗେମସ୍ ବଦଳରେ ଚଳିତବର୍ଷ ହେବାକୁ ଥିବା ଅଲମ୍ପିକ୍ କ୍ୱାଲିଫାୟର ଉପରେ ଧ୍ୟାନ ଦେବା ଉଚିତ୍ ବୋଲି ସେ କହିଛନ୍ତି।
ସୂଚନାଯୋଗ୍ୟ, ଗତ ମେ’ ମାସରୁ ପିଠିର ତଳଭାଗରେ ଯନ୍ତ୍ରଣା ଭୋଗୁଛନ୍ତି ମୀରାବାଈ। ଯନ୍ତ୍ରଣା କମିବା ପରେ ଗତ ସପ୍ତାହରେ ସେ ଅଭ୍ୟାସ୍ ଆରମ୍ଭ କରିଥିଲେ। ହେଲେ ଭାର ଉଠାଇବା କ୍ଷଣି ଯନ୍ତ୍ରଣା ପୁଣି ଆରମ୍ଭ ହୋଇଯାଇଥିଲା।
ବିଜୟ କହିଛନ୍ତି, “ମୀରାବାଈଙ୍କ ପିଠିରେ ପୁଣି ଯନ୍ତ୍ରଣା ଆରମ୍ଭ ହୋଇଛି। ସେ କୌଣସି ପ୍ରକାରର ସମସ୍ୟାରେ ପଡ଼ନ୍ତୁ, ଆମେ ଚାହୁଁନାହୁଁ। ଏନେଇ ମହାସଂଘକୁ ରିପୋର୍ଟ ପଠାଇ ଦେଇଛି। ଏବେ ସଂଘ ନିଷ୍ପତ୍ତି ନେବ।”
ସେ ଆହୁରି କହିଛନ୍ତି, “ମୋ ମତରେ ଏତେ କମ୍ ସମୟରେ ମୀରା ଅଧିକ ଓଜନ ଉଠାଇବା ଠିକ୍ ନୁହେଁ। ଅଲମ୍ପିକ୍ କ୍ୱାଲିଫାୟର ପାଇଁ କମ୍ ସମୟ ବାକି ଅଛି ଓ ଏହା ଏସିଆନ୍ ଗେମସ୍ଠାରୁ ଅଧିକ ଗୁରୁତ୍ୱପୂର୍ଣ୍ଣ।”
from OdishaReporter https://ift.tt/2OOe6TP
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment