ଗୁରୁ କେଳୁଚରଣ ସମ୍ମାନ ଉତ୍ସବ ଆସନ୍ତା ୫ରୁ, ଆସିବେ ହେମା ମାଳିନୀ

ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ୫ରୁ ୯ ତାରିଖ ପର୍ଯ୍ୟନ୍ତ ‘ସୃଜନ’ “ଓଏମ୍‌ସି ଗୁରୁ କେଳୁଚରଣ ମହାପାତ୍ର ସମ୍ମାନ ପର୍ବ” ଅନୁଷ୍ଠିତ ହେବ। ଭୁବନେଶ୍ୱର ରବୀନ୍ଦ୍ର ମଣ୍ଡପରେ ଆୟୋଜିତ ହେବାକୁ ଥିବା ଉତ୍ସବରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତିଙ୍କୁ ସମ୍ମାନିତ କରାଯିବ। 

 

ଚଳିତବର୍ଷ ପାଇଁ ଡ॰ ସଚ୍ଚି ଦାସ (ଥିଏଟର) ଓ ଗୁରୁ ଲିଙ୍ଗରାଜ ବେହେରା(ନୃତ୍ୟ)ଙ୍କୁ “ନାଲ୍‌କୋ ଗୁରୁ କେଳୁଚରଣ ମହାପାତ୍ର ସମ୍ମାନ” ପ୍ରଦାନ କରାଯିବ।

 

ସେହିପରି ଓଡ଼ିଶୀ ନୃତ୍ୟାଙ୍ଗନା ସୋନାଲି ମହାପାତ୍ର, କୋଲକାତାର ଓଡ଼ିଶୀ ନୃତ୍ୟ ଶିଳ୍ପୀ ସୁବିକାଶ ମୁଖାର୍ଜୀ, ଦିଲ୍ଲୀ କଥକ ନୃତ୍ୟଶିଳ୍ପୀ ସ୍ୱାତୀ ସିହ୍ନା ଓ ମୁମ୍ବାଇର ଓଡ଼ିଶୀ ମର୍ଦ୍ଦଳ ବାଦକ ରୋହନ୍‌ ସୁରେଶ ଦହାଲେଙ୍କୁ “ନାଲକୋ ଗୁରୁ କେଳୁଚରଣ ମହାପାତ୍ର ଯୁବ ପ୍ରତିଭା ସମ୍ମାନ” ପ୍ରଦାନ କରାଯିବ।

 

ଉତ୍ସବର ପ୍ରତି ସନ୍ଧ୍ୟାରେ ଦେଶର ବହୁ ବିଶିଷ୍ଟ କଳାକାର ନୃତ୍ୟ ଓ ସଙ୍ଗୀତ ପରିବେଷଣ କରିବେ। ୯ ତାରିଖର ଉଦଯାପନୀ ସନ୍ଧ୍ୟାରେ ଚଳଚ୍ଚିତ୍ର ତାରକା ତଥା ସାଂସଦ ହେମାମାଳିନୀ ଅତିଥି ଭାବେ ଯୋଗ ଦେବେ ବୋଲି ‘ସୃଜନ’ର ନିର୍ଦ୍ଦେଶକ ଗୁରୁ ରତିକାନ୍ତ ମହାପାତ୍ର ସୂଚନା ଦେଇଛନ୍ତି।   

from Odisha Reporter https://ift.tt/2NrXaS4