ଦୁଇ ଜଣ ଦଶମ ଛାତ୍ରୀଙ୍କ ସନ୍ଦେହଜନକ ମୃତ୍ୟୁ ଘଟଣାର ସିବିଆଇ ତଦନ୍ତ ଦାବି

ସୋର (ଓଡ଼ିଶା ରିପୋର୍ଟର): ଗତ ମାସ ୯ ତାରିଖରେ ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ଟେଣ୍ଟେଇ ଗାଁରେ ଦୁଇ ଜଣ ଦଶମ ଛାତ୍ରୀଙ୍କ ସନ୍ଦେହଜନକ ମୃତ୍ୟୁ ହୋଇଥିଲା। ଏହି ଘଟଣାକୁ ୨୬ ଦିନ ବିତି ଯାଇଥିଲେ ମଧ୍ୟ ପୁଲିସ୍‌ ସେମାନଙ୍କ ମୃତ୍ୟୁ କାରଣ ଖୋଜି ପାଉ ନ ଥିବାରୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି।

ଏହାର ରହସ୍ୟ ଉନ୍ମୋଚନ ପାଇଁ ଗ୍ରାମବାସୀ ସିବିଆଇ ତଦନ୍ତ ଦାବି କରିଛନ୍ତି।

ଏଥିପାଇଁ ଆଜି ଗ୍ରାମବାସୀମାନେ ଅନନ୍ତପୁର-ସୋର ରାସ୍ତାର ଅଇଁରି ଛକରେ ରାସ୍ତାରୋକ କରିଥିଲେ। ତହସିଲଦାର,ଏସଡିପିଓ ଓ ଆଇଆଇସି ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ। ତା’ପରେ ରାସ୍ତାରୋକ ହଟିଥିଲା।

ଗତ ୯ ତାରିଖରେ ଟେଣ୍ଟେଇ ଗାଁରେ ବିରିପଡ଼ା ଗାଁର ପ୍ରିୟଙ୍କା ଦାସ ଓ ଟେଣ୍ଟେଇ ଗାଁର ଲକ୍ଷ୍ମୀପ୍ରିୟା ଦାସ ସନ୍ଦେହଜନକ ମୃତ୍ୟୁ ହୋଇଥିଲା।

 

from Odisha Reporter https://ift.tt/2wJtQzn