ଯୁବ କଂଗ୍ରେସର ସଭ୍ୟ ସଂଗ୍ରହ ଅଭିଯାନ ଆରମ୍ଭ

ଭୁବନେଶ୍ୱର(ଓଡ଼ିଶା ରିପୋର୍ଟର) : ସାଧାରଣ ନିର୍ବାଚନକୁ ଆଉ ମାତ୍ର କିଛିମାସ ଥିବାବେଳେ କଂଗ୍ରେସ ପକ୍ଷରୁ ଏବେ ସଭ୍ୟ ସଂଗ୍ରହ ଅଭିଯାନ ଉପରେ ଗୁରୁତ୍ୱ ଦିଆଯାଇଛି । ଆଜିଠୁ ଯୁବ କଂଗ୍ରେସର ସଭ୍ୟ ସଂଗ୍ରହ ଅଭିଯାନ ଆରମ୍ଭ ହୋଇଛି।

ଜାତୀୟ ଯୁବ କଂଗ୍ରେସ ସଭାପତିି କେଶବ ଚନ୍ଦ୍ର ଯାଦବ, ଓଡ଼ିଶା ପିସିସି ପ୍ରଭାରୀ ଜିତେନ୍ଦ୍ର ସିଂ, ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ଅନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ଭୁବନେଶ୍ୱରରେ ଆଜି ପ୍ରଦେଶ ଯୁବ କଂଗ୍ରେସ ପକ୍ଷରୁ ଏହି ସଭ୍ୟ ସଂଗ୍ରହ ଅଭିଯାନ ଆରମ୍ଭ ହୋଇଛି।

ଏ ସମ୍ପର୍କରେ ଏକ ପ୍ରେସ ରିଲିଜରେ ରାଜ୍ୟ ଯୁବ କଂଗ୍ରେସ ସଭାପତି ଲୋକନାଥ ମହାରଥୀ କହିଛନ୍ତି ଯେ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ଦ୍ୱାରା ଆରମ୍ଭ ହୋଇଥିବା ‘ମିଶନ ଶକ୍ତି ‘ କାର୍ଯ୍ୟକ୍ରମକୁ ଓଡ଼ିଶାରେ ତ୍ୱରାନ୍ୱିତ କରାଯାଇଛି।

ଏହି ସଭ୍ୟ ସଂଗ୍ରହ ଅଭିଯାନ ଚଳିତମାସ ୨୮ତାରିଖ ପର୍ଯ୍ୟନ୍ତ ଚାଲିବ । ଏହି ନୂଆ ସଭ୍ୟମାନେ ଆସନ୍ତା ସାଧାରଣ ନିର୍ବାଚନ ପରେ ହେବାକୁ ଥିବା ଯୁବ କଂଗ୍ରେସର ସାଂଗଠନିକ ନିର୍ବାଚନରେ ଭାଗ ନେଇପାରିବେ ତଥା ଯୁବ କଂଗ୍ରେସ ଦ୍ୱାରା ରାଜ୍ୟର ବିଭିନ୍ନ ପଦପଦବୀରେ ରହିବା ପାଇଁ ଯୋଗ୍ୟ ବିବେଚିତ ହେବେ ବୋଲି ସେ କହିଛନ୍ତି ।

from Odisha Reporter https://ift.tt/2NhgXmp