ବସ୍‌ରେ ବସି ବାଘ ଦେଖିବାର ମଜା ନେଉଥିଲେ, କିନ୍ତୁ ଘଟିଲା ଏମିତି ଘଟଣା, ଦେଖନ୍ତୁ ଭିଡିଓ

ମୁମ୍ବାଇ: ଜଙ୍ଗଲରେ ବାଘ ହାବୁଡ଼ରୁ ଅଳ୍ପକେ ରକ୍ଷା ପାଇ ଯାଇଛନ୍ତି କିଛି ପର୍ଯ୍ୟଟକ। ପର୍ଯ୍ୟଟକମାନେ ଏକ ଖୋଲା ବସ୍‌ରେ ମହାରାଷ୍ଟ୍ରର ତଡ଼ୋବା ନ୍ୟାଶନାଲ ପାର୍କର ଜଙ୍ଗଲ ସଫାରୀରେ ବୁଲୁ ଥିଲେ। ଏହି ସମୟରେ ଏକ ବାଘ ହଠାତ ସେମାନଙ୍କ ଉପରକୁ ଲମ୍ଫ ମାରିଥିଲା। ତେବେ ଡ୍ରାଇଭର ଜଣଙ୍କ ବୁଦ୍ଧି ପ୍ରୟୋଗ କରି ଗାଡ଼ିର ବେଗ ବଢ଼ାଇ ଦେଇଥିଲେ। ହେଲେ ବାଘଟି ବେଶ କିଛି ସମୟ ବସ୍‌ ପଛରେ ଦୌଡ଼ି ପର୍ଯ୍ୟଟକଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିଲା।

ଶେଷରେ ପର୍ଯ୍ୟଟକମାନେ ହିଂସ୍ର ବାଘଟିର ଆକ୍ରମଣରୁ ଅଳ୍ପକେ ରକ୍ଷା ପାଇଯାଇଥିଲେ।

ଘଟଣାର ଭିଡିଓ ସୋଶାଲ୍‌ ମିଡିଆରେ ଭାଇରାଲ୍‌ ହୋଇଛି। ଭାଇରାଲ୍‌ ଭିଡିଓରେ ଭୟଭୀତ ହୋଇଥିବା ପର୍ଯ୍ୟଟକମାନେ ଶେଷରେ ରକ୍ଷା ପାଇବା ପରେ କିଭଳି ଆଶ୍ୱସ୍ତିର ହସ ହସୁଛନ୍ତି, ତା’ର ଦୃଶ୍ୟ ରହିଛି।

ଜଙ୍ଗଲ ସଫାରୀ କର୍ତ୍ତୃପକ୍ଷ କହିଛନ୍ତି ଘଟଣାଟି ରବିବାର ଦିନର। ସାଢ଼େ ୩ ବର୍ଷର ବାଘ ‘ମଧୁ’ ପର୍ଯ୍ୟଟକଙ୍କୁ ଏଭଳି ଆକ୍ରମଣ କରିବାକୁ ଉଦ୍ୟମ କରିଥିଲା। ଏହି ଘଟଣା ପରେ ଗୋଟିଏ ସପ୍ତାହ ପାଇଁ ସଫାରୀକୁ ପର୍ଯ୍ୟଟକଙ୍କ ପାଇଁ ବନ୍ଦ ରଖାଯାଇଛି।

ଦେଖନ୍ତୁ ଭିଡିଓ

from Odisha Reporter https://ift.tt/2DBL1Zm