ପଞ୍ଜାବ ଧର୍ମାନୁଷ୍ଠାନ ଆକ୍ରମଣର ମୁଖ୍ୟ ଅଭିଯୁକ୍ତ ଗିରଫ

ଚଣ୍ଡୀଗଡ଼: ୩ ଜୀବନ ନେଇଥିବା ଅମୃତସର ନିରଙ୍କରୀ ସତ୍‌ସଙ୍ଗ ଭବନ ଗ୍ରେନେଡ୍‌ ଆକ୍ରମଣର ମୁଖ୍ୟ ଅଭିଯୁକ୍ତକୁ ଗିରଫ କରିଛି ପଞ୍ଜାବ ପୁଲିସ୍।

ଏବିଷୟରେ ପଞ୍ଜାବ ଡିଜିପି ସୁରେଶ ଆରୋରା କହିଛନ୍ତି, ମୁଖ୍ୟ ଅଭିଯୁକ୍ତ ଅବ୍‌ତାର ସିଂହଙ୍କୁ ଗିରଫ କରାଯାଇଛି। ଅବତାରଠାରୁ ଅସ୍ତ୍ର ଏବଂ ଗୁଳିଗୋଳା ମଧ୍ୟ ଜବତ କରାଯାଇଛି।

ଅବତାର ହିଁ ପାକିସ୍ତାନରୁ ଆସିଥିବା ହ୍ୟାଣ୍ଡ ଗ୍ରେନେଡ୍‌ ମାଡ଼ କରିଥିଲା ବୋଲି ଅଭିଯୋଗ ହେଉଛି। ତା’ର ପାକିସ୍ତାନର ଜାଭେଦ୍‌ ନାମକ ଜଣେ ବ୍ୟକ୍ତି ଏବଂ ଇଟାଲୀରେ ରହୁଥିବା ଖଲିସ୍ତାନ ସମର୍ଥକ ପରମଜିତ ସିଂହ ବାବାଙ୍କ ସହିତ ଲିଙ୍କ୍ ରହିଥିବା ମଧ୍ୟ ଡିଜିପି ସୂଚନା ଦେଇଛନ୍ତି।

ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ‘ଆତଙ୍କବାଦୀ’ ଆକ୍ରମଣ ବୋଲି ଆଖ୍ୟା ଦେଇଥିବା ଏହି ଆକମ୍ରଣରେ ୩ ଜଣ ନିହତ ହୋଇଥିବାବେଳେ ୧୫ ଜଣ ଲୋକ ଆହତ ହୋଇଥିଲେ। ଗତ କିଛି ଦିନ ତଳେ ଅବତାରର ସହଯୋଗୀ ବିକ୍ରମଜିତ ସିଂହ ଗିରଫ ହୋଇଥିଲେ।

from Odisha Reporter https://ift.tt/2S8URFi