ରାଫେଲ ବିତର୍କରେ ଭାଗ ନେଇ ଏନ୍‌ଡିଏକୁ ବିଜେଡିର ଟାର୍ଗେଟ

ନୂଆଦିଲ୍ଲୀ: ଆଜି ଲୋକସଭାରେ ରାଫେଲ ଡିଲ୍‌କୁ ନେଇ ବିତର୍କ ଚାଲିଥିବା ବେଳେ ଏଥିରେ ଓଡ଼ିଶାର କ୍ଷମତାସୀନ ବିଜେଡି ପକ୍ଷରୁ ସାଂସଦ କଳିକେଶ ସିଂହ ଦେଓ ଭାଗ ନେଇ ଏନଡିଏକୁ ଟାର୍ଗେଟ କରିଛନ୍ତି।

ସେ କହିଛନ୍ତି, “ କେନ୍ଦ୍ରମନ୍ତ୍ରୀ ମନ୍ତ୍ରୀ ଅରୁଣ ଜେଟଲୀ ରାଫେଲ ଯୁଦ୍ଧ ବିମାନ ଡିଲ୍‌କୁ ନେଇ ଯେଉଁ ମତ ରଖିଛନ୍ତି, ତାହା କେବଳ ଏନ୍‌ଡିଏକୁ ସୁହାଇଲା ଭଳି। ସେ ଜାଣିଶୁଣି ନିଜକୁ ସୁହାଇଲା ଭଳି ତଥ୍ୟ ବାଛିଛନ୍ତି। ରାଫେଲ ଡିଲ୍‌ର ପ୍ରୋସିଜିଅରକୁ ଅଣଦେଖା କରାଯାଇଛି। ଆମେ ଡାସଲଟ୍‌ କିମ୍ବା ରିଲାନ୍ସର କ୍ରେଡିବିଲିଟିକୁ ବିଚାର କରିବା ନାହିଁ। ଆମେ ଆମ ଦେଶର ଯବାନଙ୍କ କଥା ଭାବିବା ଦରକାର।

ୟୁପିଏ ସମୟରେ ହେଇଥିବା ରାଫେଲ ଡିଲ୍‌କୁ କାହିଁକି ଅଗ୍ରାହ୍ୟ କରାଯାଉଛି? ରାଫେଲ ଯୁଦ୍ଧ ବିମାନ ଦରକୁ ନେଇ କାହିଁକି ଏବେ ଗୋପନୀୟତା ଅବଲମ୍ବନ କରାଯାଉଛି? ଆମ ଦେଶରେ ଥିବା ଏଚ୍‌ଏଏଲ୍‌ ଯଦି ଏସ୍‌ୟୁ ୩୦ ଭଳି ବିମାନ ନିର୍ମାଣ କରିପାରୁଛି, ତା’ହେଲେ ସେ କାହିଁକି ରାଫେଲ ଯୁଦ୍ଧ ବିମାନ ନିର୍ମାଣ କରିପାରିବ ନାହିଁ?”

from Odisha Reporter http://bit.ly/2s1oWM0