ଅଳ୍ପରେ ୪ର୍ଥ ପାଳି ନିର୍ବାଚନ କଥା: ସନ୍ଧ୍ୟା ୬ଟାରେ ସରିବ ପ୍ରଚାର

ଭୁବନେଶ୍ୱର(ଓଡ଼ିଶା ରିପୋର୍ଟର): ୪ର୍ଥ ତଥା ଓଡ଼ିଶାର ଭୋଟ ମହାପର୍ବର ଅନ୍ତିମ ପର୍ଯ୍ୟାୟ ପାଇଁ ଆଜି ସରୁଛି ନିର୍ବାଚନ ପ୍ରଚାର। କେନ୍ଦ୍ରାପଡା, ମୟୂରଭଞ୍ଜ, ବାଲେଶ୍ୱର, ଭଦ୍ରକ ଓ ଯାଜପୁର ବିଧାନସଭା ଆସନ ପାଇଁ ଏହି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଅନେକ ହେବିୱେଟଙ୍କ ଭାଗ୍ୟ ନିର୍ଦ୍ଧାରଣ ହେବ ଏହି ପାଳିରେ। ତେବେ ଆସନ୍ତୁ ଅଳ୍ପରେ ଜାଣିବା ଏହି ପାଳି ନିର୍ବାଚନ ସମ୍ପର୍କରେ।

• ଶନିବାର ସନ୍ଧ୍ୟା ୬ଟାରେ ସରିବ ନିର୍ବାଚନ ପ୍ରଚାର।
• ୪୮ ଘଣ୍ଟାର ନୀରବତା ପରେ ସୋମବାର ସକାଳୁ ଆରମ୍ଭ ହେବ ମତଦାନ।
• ୫୫ ଜଣ ଲୋକସଭା ପ୍ରାର୍ଥୀ ଓ ୩୪୬ ଜଣ ବିଧାନସଭା ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ।
• ପ୍ରତିଦ୍ୱନ୍ଦ୍ୱୀତା କରୁଥିବା ପ୍ରାର୍ଥଙ୍କ ମଧ୍ୟରେ ୩୧୧ ଜଣ ପୁରୁଷ, ୩୪ ଜଣ ମହିଳା ଓ ଜଣେ କିନ୍ନର ଅଛନ୍ତି।
• ୧୦ ହଜାର ୭୯୨ ବୁଥ୍‌ରେ ହେବ ମତଦାନ।
• ମତାଧିକାର ସାବ୍ୟସ୍ତ କରିବେ ୯୫ ଲକ୍ଷ ୧୪,୮୮୩ ଜଣ ନାଗରୀକ।
• ମତଦାତାଙ୍କ ମଧ୍ୟରେ ୪୯ କ୍ଷ ୮ ହଜାର ୫୭୫ ଜଣ ପୁରୁଷ, ୪୬ଲକ୍ଷ ୫ ହଜାର ୬୯୪ ଜଣ ମହିଳା ଓ ୬୧୫ ଜଣ କିନ୍ନର ଅଛନ୍ତି।

କେଉଁ ନିର୍ବାଚନ ମଣ୍ଡଳୀରେ ହେଉଛି ଭୋଟ

• ମୟୂରଭଞ୍ଜ ଲୋକସଭା ସହ ଏହା ଅଧିନରେ ଥିବା ଯଶିପୁର, ସାରସକଣା, ରାଇରଙ୍ଗପୁର, ବାଙ୍ଗିରପୋଷି, ଉଦଳା, ବାରିପଦା ଓ ମୋରଡା ବିଧାନସଭା ପାଇଁ ମତଦାନ ହେବ।
• ବାଲେଶ୍ୱର ଲୋକସଭା ଆସନ ସହ ଏହା ଅଧିନରେ ଥିବା ବଡ଼ସାହି, ଜଳେଶ୍ୱର, ଭୋଗରାଇ, ବସ୍ତା, ବାଲେଶ୍ୱର, ରେମୁଣା, ନୀଳଗିରୀ ବିଧାନସଭା ପାଇଁ ହେବ ମତଦାନ।
• ଭଦ୍ରକ ଲୋକସଭା ଆସନ ସମେତ ଏହା ଅଧିନରେ ଥିବା ସୋର, ସିମୁଳିଆ, ଭଣ୍ଡାରିପୋଖରୀ, ଭଦ୍ରକ, ବାସୁଦେବପୁର, ଧାମନଗର ଓ ଚାନ୍ଦବାଲି ବିଧାନସଭା ପାଇଁ ହେବ ଭୋଟ୍‌।
• ଯାଜପୁର ଲୋକସଭା ଆସନ ସମେତ ବିଞ୍ଝାରପୁର, ବରୀ, ବଡ଼ଚଣା, ଧର୍ମଶାଳା, ଯାଜପୁର, କୋରେଇ, ସୁକିନ୍ଦା ବିଧାସଭା ପାଇଁ ମଧ୍ୟ ଆଜି ସନ୍ଧ୍ୟାରେ ସରୁଛି ପ୍ରଚାର।
• କେନ୍ଦ୍ରାପଡା ଲୋକସଭା ଆସନ ସହ ସାଲେପୁର, ମାହାଙ୍ଗା, ପାଟକୁରା, କେନ୍ଦ୍ରାପଡା, ଆଳି, ରାଜନଗର, ମହାକାଳପଡା ବିଧାନସଭା ପାଇଁ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ ଏହି ପର୍ଯ୍ୟାୟରେ।

from Odisha Reporter http://bit.ly/2PuAdPK