ଖସୁଛି ମୋଦି ସରକାରର ଲୋକପ୍ରିୟତା

ନୂଆଦିଲ୍ଲୀ: ଚଳିତ ସାଧାରଣ ନିର୍ବାଚନ ଶେଷ ହେବା ପାଇଁ ଆଉ ୬ଟି ପର୍ଯ୍ଯାୟ ମତଦାନ ବାକି ରହିଛି। ହେଲେ ପ୍ରଥମ ପର୍ଯ୍ଯାୟ ମତଦାନ ପରେ ସି-ଭୋଟର ଦ୍ବାରା କରାଯାଇଥିବା ସର୍ଭେରେ ବିଜେପି ପ୍ରତି ଲୋକଙ୍କ ଆସ୍ଥା କମୁଛି ବୋଲି ଜଣାପଡ଼ିଛି। ମାର୍ଚ୍ଚ ୧୨ରୁ ଏପ୍ରିଲ ୧୨ ମଧ୍ଯରେ ସି-ଭୋଟର-ଆଇଏଏନଏସ ଦ୍ବାରା ସର୍ଭେରେ ଏହା ଜଣାପଡ଼ିଛି।

ତେବେ ପାକିସ୍ତାନ ବାଲାକୋଟରେ ହୋଇଥିବା ଏୟାରଷ୍ଟ୍ରାଇକ ପରେ ମାର୍ଚ୍ଚ ୭ ତାରିଖ ଯାଏଁ ସର୍ଭେରେ ୬୨.୦୬ ପ୍ରତିଶତ ଲୋକ ଚଳିତ ସରକାରକୁ ସମର୍ଥନ କରିଥିବା ସି-ଭୋଟର ପ୍ରକାଶ କରିଥିଲା। ହେଲେ ବାଲାକୋଟ ଏୟାରଷ୍ଟ୍ରାଇକର ୫୦ ଦିନ ପରେ ଏପ୍ରିଲ ୧୨ ସୁଦ୍ଧା ୧୨ ପଏଣ୍ଟ ତଳକୁ ଖସି ୪୩.୨୫ ପଏଣ୍ଟରେ ରହିଥିବା ଜଣାପଡ଼ିଛି।

ପୁଲୱାମା ଆତଙ୍କବାଦୀ ଆକ୍ରମଣ ପୂର୍ବରୁ ୩୦ରୁ ୪୦ ପଏଣ୍ଟ ମଧ୍ଯରେ ବିଜେପି ସରକାରର ଲୋକପ୍ରିୟତା ଥିଲା। ଏହାପରେ ମୋଦି ସରକାର ପ୍ରତି ଲୋକଙ୍କ ଆସ୍ଥା ବଢ଼ୁଥିବା ସି ଭୋଟର-ଆଇଏଏନଏସ ଟ୍ରାକ ରିପୋର୍ଟରେ ପ୍ରକାଶ ପାଇଛି।

from Odisha Reporter http://bit.ly/2VPfqJn