ଧୋନିଙ୍କ ଆଚରଣକୁ ପୂର୍ବତନ କ୍ରିକେଟରଙ୍କ ସମାଲୋଚନା

ନୂଆଦିଲ୍ଲୀ: ରାଜସ୍ଥାନ ରୟାଲ୍ସ ବିପକ୍ଷ ମୁକାବିଲାରେ ଚେନ୍ନାଇ ସୁପର କିଙ୍ଗସ ଟିମ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଅମ୍ପାୟାରଙ୍କ ସହ ବ୍ୟବହାରକୁ କ୍ରିକେଟ୍ ବିଶେଷଜ୍ଞ ନାପସନ୍ଦ କରିଛନ୍ତି। ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ୍ ଭନ୍, ଅଷ୍ଟ୍ରେଲିଆର ପୂର୍ବତନ ଓପନିଂ ବ୍ୟାଟ୍ସମ୍ୟାନ୍ ମାର୍କ ୱ’, ଭାରତର ପୂର୍ବତନ କ୍ରିକେଟର୍ ଆକାଶ ଚୋପ୍ରା ଓ ସଞ୍ଜୟ ମଞ୍ଜରେକର ଧୋନିଙ୍କ ବ୍ୟବହାରକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।

ମାଇକେଲ୍ ଭନ୍ କହିଛନ୍ତି, ‘ଏହା ଖେଳ ପାଇଁ ଆଦୌ ଶୁଭଙ୍କର ନୁହେଁ। କୌଣସି କ୍ୟାପଟେନଙ୍କୁ ଡଗଆଉଟରୁ ପିଚକୁ ଆସିବା ପାଇଁ ଅନୁମତି ନାହିଁ। ଧୋନି ପୁଣି ପିଚକୁ ଆସିବା, ଅସମ୍ଭବ ଲାଗୁଛି। ଧୋନି କିଛି ବି କରିପାରନ୍ତି, କିନ୍ତୁ ଏଭଳି ଡଗଆଉଟ୍ ଛାଡ଼ି ମଇଦାନରେ ଅମ୍ପାୟାରଙ୍କୁ ଅଙ୍ଗୁଳି ଦେଖାଇପାରିବେ ନାହିଁ। ଏହା ଆଦୌ ଗ୍ରହଣୀୟ ନୁହେଁ।’

Don’t tweet utter Rubbish … As a Captain you have to respect the Umpires decision … it was a terrible example to set … https://t.co/A2aICbhOwb

— Michael Vaughan (@MichaelVaughan) April 12, 2019

ମାର୍କ ୱ’ ଏହି ଘଟଣାକୁ ଅସନ୍ତୋଷ ଜାହିର କରିଛନ୍ତି । ସେ କହିଛନ୍ତି, ‘ମୁଁ ଆଇପିଏଲରେ ମାଲିକମାନଙ୍କ ଚାପ ଓ ଅର୍ଥବଳକୁ ବୁଝିପାରୁଛି, କିନ୍ତୁ ଦୁଇଟି ଘଟଣାକୁ ନେଇ ମୁଁ ବହୁତ ନିରାଶ। ଏଥିରେ ଟିମର ଅଧିନାୟକ ସାମିଲ୍ ଥିଲେ। ଜଣେ ଅଶ୍ୱିନ୍ ଏବଂ ଆଉ ଜଣେ ଧୋନି। ଏହା କିଛି ବି ଠିକ୍ ହେଉନାହିଁ।’

ସଞ୍ଜୟ ମଞ୍ଜରେକର କହିଛନ୍ତି, ମୁଁ ସବୁବେଳେ ଧୋନିଙ୍କ ବଡ଼ ପ୍ରଶଂସକ ରହିଆସିଛି। କିନ୍ତୁ ତାଙ୍କର ଏଭଳି ଗ୍ରାଉଣ୍ଡ ଭିତରକୁ ଯିବା ମୋତେ ଭଲ ଲାଗିଲାନି। ଏଭଳି ବ୍ୟବହାର ପାଇଁ ତାଙ୍କ ଉପରେ ଏକ ଛୋଟିଆ ଜୋରିମାନା ଲାଗିଥିବାରୁ ସେ ବହୁତ ଭାଗ୍ୟବାନ।’

Have always been a big Dhoni admirer, but he was clearly out of line walking out like that. Lucky to get away with just a small fine. #VIVOIPL

— Sanjay Manjrekar (@sanjaymanjrekar) April 12, 2019

ଆକାଶ ଚୋପ୍ରା କହିଛନ୍ତି, ‘ଚଳିତ ଆଇପିଏଲରେ ଅମ୍ପାୟାରିଂ ସ୍ତର ବହୁ ତଳକୁ ଖସିଯାଇଛି। ପ୍ରଥମେ ନୋ’ ବଲ ଦିଆଯାଉଛି ଏବଂ ପରେ ଏହାକୁ ଖାରଜ କରିଦିଆଯାଉଛି। ଏହାକୁ ନେଇ ଜଣେ ରାଗିବା ସ୍ୱାଭାବିକ। କିନ୍ତୁ ଗୋଟିଏ ଟିମର ଅଧିନାୟକ ଆଉଟ୍ ହେବା ପରେ ପୁଣିଥରେ ଗ୍ରାଉଣ୍ଡକୁ ଚାଲିଆସିବା ଠିକ୍ ହୋଇନାହିଁ। ଧୋନି ଆଜି ଏକ ଭୁଲ ଉଦାହରଣ ସୃଷ୍ଟି କରିଛନ୍ତି।’

Umpiring standards have been pretty low in this #IPL and that was a no-ball given and reversed. Enough to feel crossed and miffed. But the opposition captain has no right to walk out on the pitch after being dismissed. Dhoni set a wrong precedent tonight. #RRvCSK #IPL

— Aakash Chopra (@cricketaakash) April 11, 2019

ସେହିପରି ପୂର୍ବତନ କ୍ରିକେଟର ହେମାଙ୍ଗ ବଦାନି କହିଛନ୍ତି, ‘ଅମ୍ପାୟାରଙ୍କ ପାଖରେ ନୋ’ ବଲ୍ ଦେବା ଏବଂ ପରେ ଏହାକୁ ଖାରଜ କରିଦେବାର ଅଧିକାର ରହିଛି। କିନ୍ତୁ ଧୋନି ଏହାକୁ ଯେଉଁଭଳି ଭାବେ ହ୍ୟାଣ୍ଡଲ୍ କଲେ, ତାହା ସମସ୍ତଙ୍କୁ ଚକିତ କରିଛି। ଏହା କ୍ୟାପଟେନ୍ କୁଲଙ୍କ ବ୍ୟବହାର ଭଳି ନଥିଲା।’

The umpire is well within his right to overturn a No-Ball or any decision on the field for that matter. Surprised with how Dhoni handled it. It was so unlike Captain Cool #RRvCSK

— Hemang Badani (@hemangkbadani) April 11, 2019

from Odisha Reporter http://bit.ly/2UPMZgR