ଟ୍ରକ୍‌କୁ ପଛରୁ ପିଟିଲା ବାଇକ୍; ବାପପୁଅ ମୃତ

ପିପିଲି(ଓଡ଼ିଶା ରିପୋର୍ଟର): ପୁରୀ ଜିଲ୍ଲା ପିପିଲି ନିକଟ ପିଢ଼ପାଟଣା ଛକରେ ଟ୍ରକ୍ ପଛରେ ବାଇକ୍ ପିଟି ହେବାରୁ ବାପପୁଅଙ୍କର ମୃତ୍ୟୁ ଘଟିଛି। ଏଥରେ ଅନ୍ୟ ଜଣେ ଆହତ ହୋଇଛନ୍ତି। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତକ ହେଲେ ପାଟଣା ଗାଁର ପବନା ବେହେରା(୫୫) ଓ ପୁଅ ଧଡ଼ିଆ ବେହେରା( ୩୫) ବର୍ଷ। ଆହତ ଜଣଙ୍କ ଧଡ଼ିଆଙ୍କ ଶଳା ବୋଲି ଜଣାପଡ଼ିଛି।

ଗତକାଲି ରାତିରେ ଧଡ଼ିଆ ବାପା ଓ ଶଳାଙ୍କ ସହିତ ବାଇକରେ ଡେଲାଙ୍ଗ ଷ୍ଟେସନ ବଜାରରୁ ଘରକୁ ଫେରୁଥିଲେ। ସେହି ରାସ୍ତାରେ ଛିଡ଼ା ହୋଇଥିବା ଏକ ଚିପ୍ସ ବୋଝେଇ ଟ୍ରକ ସହ ତାଙ୍କର ଧକ୍କା ହୋଇଥିଲା। ଘଟଣାସ୍ଥଳରେ  ଧଡ଼ିଆ ଓ ତାଙ୍କ ବାପାଙ୍କ ମୃତ୍ୟୁ ଘଟିଥିଲା। ଧଡ଼ିଆଙ୍କ ଶଳାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

from Odisha Reporter http://bit.ly/2U2udhW