ବଦଳିଲା ସାମୁଦ୍ରିକ ଝଡ଼ ‘ବାୟୁ’ର ଗତିପଥ

ଅହମଦାବାଦ: ଆଜି ଗୁଜରାଟ ଉପକୂଳରେ ସାମୁଦ୍ରିକ ଝଡ଼ ‘ବାୟୁ’ ଲ୍ୟାଣ୍ଡଫଲ କରିବ ବୋଲି ସୂଚନା ଦିଆଯାଇଥିଲା। କିନ୍ତୁ ରାତିରେ ‘ବାୟୁ’ର ଗତିପଥ ବଦଳିଥିବା ସୂଚନା ମିଳିଛି। କେବଳ ସମୁଦ୍ର ଉପକୂଳ ଛୁଇଁ ଏହି ବାତ୍ୟା ପଳାଇବ ବୋଲି ଆକଳନ କରାଯାଇଛି। ହେଲେ ଏହାର ପ୍ରଭାବରେ ଉପକୂଳ ଜିଲ୍ଲା ଗୁଡ଼ିକରେ ପ୍ରବଳ ପବନ ସାଙ୍ଗକୁ ବର୍ଷା ହେବ ବୋଲି ଆକଳନ କରିଛି ଭାରତୀୟ ପାଣିପାଗ ବିଭାଗ।

ଆରବ ସାଗରରେ ସୃଷ୍ଟ ‘ବାୟୁ’ ଏବେ ଗୁଜରାଟର ଦକ୍ଷିଣପଶ୍ଚିମ ସ୍ଥିତ ଭେରଭାଲରୁ ୧୩୦ କିଲୋମିଟର ଦୂର ଏବଂ ପୋରବନ୍ଦରରୁ ୧୮୦ କିଲୋମିଟର ଦୂରରେ ଥିବା ଜଣାପଡ଼ିଛି। ଆଜି ଅପରାହ୍ଣରେ ସୌରାଷ୍ଟ୍ର ଉପକୂଳରେ ଏହି ସାମୁଦ୍ରିକ ଝଡ଼ ଲ୍ୟାଣ୍ଡଫଲ୍ କରିବ ବୋଲି ସୂଚନା ରହିଛି। ଏହି ସମୟରେ ପବନର ବେଗ ଘଣ୍ଟା ପ୍ରତି ୧୩୫ରୁ ୧୪୫ କିଲୋମିଟର ରହିପାରେ।

IMD: Very Severe Cyclonic Storm #Vayu over EC Arabian Sea moved NNW-wards in last 6 hours. It’s 130 km Southwest of Veraval & 180 km South of Porbandar. It’s likely to move NNW for some time&then NW-wards skirting Saurashtra coast with wind speed 135-145 kmph from this afternoon pic.twitter.com/Q2PStSrV63

— ANI (@ANI) June 13, 2019

ଗୁଜରାଟର ପୋରବନ୍ଦରରେ ଥିବା ଚୌପଟ୍ଟି ସମୁଦ୍ର ତଟ ଅଶାନ୍ତ ହୋଇ ପଡ଼ିଛି। ଆଜି ପୋରବନ୍ଦର ଏବଂ ମହୁଭରେ ଭିତରେ ଏହି ସାମୁଦ୍ରିକ ଝଡ଼ ଲ୍ୟାଣ୍ଡଫଲ କରିବ।

#WATCH Gujarat: Visuals from Chowpatty beach in Porbandar as the sea turns violent. #CycloneVayu is very likely to cross Gujarat coast between Porbandar and Mahuva as a very severe cyclonic storm, today. pic.twitter.com/NnCornrMqe

— ANI (@ANI) June 13, 2019

 ସାମୁଦ୍ରିକ ଝଡ଼ ବାୟୁ ଲ୍ୟାଣ୍ଡଫଲ କରିବା ପୂର୍ବରୁ ଗୁଜରାଟର ଗିର ସୋମନାଥ ଜିଲ୍ଲାରେ ଥିବା ସୋମନାଥ ମନ୍ଦିରର ପ୍ରବେଶ ପଥ ଅତ୍ୟଧିକ ପବନରେ ଭାଙ୍ଗିରୁଜି ଯାଇଛି।

Gujarat: The shed at the entrance of Somnath Temple, in Gir Somnath district, damaged due to strong winds. #CycloneVayu pic.twitter.com/RpFjZzXUj4

— ANI (@ANI) June 13, 2019

‘ବାୟୁ’ ଲ୍ୟାଣ୍ଡଫଲ୍ କରିବା ପୂର୍ବରୁ ଗୁଜରାଟ ଉପକୂଳବର୍ତ୍ତୀ ଅଞ୍ଚଳରେ ଜୋରରେ ପବନ ବହୁଥିବା ବେଳେ ଅନ୍ୟାନ୍ୟ ଅଞ୍ଚଳରେ ବି ଏହାର ପ୍ରଭାବ ଦେଖିବାକୁ ମିଳିଛି। ସମୁଦ୍ର ମଧ୍ୟ ଅଶାନ୍ତ ହୋଇପଡ଼ିଛି। ଉଦ୍ଧାର କାର୍ଯ୍ୟରେ ଏନଡିଆରଏଫର ୫୨ଟି ଓ ଏସଡିଆରଏଫର ୯ଟି ଟିମ୍‌ ଆଲର୍ଟ ରହିଛି। ରାଜ୍ୟ ସରକାର ଲୋକଙ୍କ ପାଇଁ ହେଲ୍ପଲାଇନ ନମ୍ୱର ମଧ୍ୟ ଜାରି କରିଛନ୍ତି।

ବାତ୍ୟା ‘ବାୟୁ’କୁ ଦୃଷ୍ଟିରେ ରଖି ୫୦୦ଟି ଗାଁର ୨ ଲକ୍ଷ ୧୫ ହଜାର ଲୋକଙ୍କୁ ସ୍ଥାନାନ୍ତର କରାଯାଇଥିବାବେଳେ ୧୦ ହଜାର ପର୍ଯ୍ୟଟକଙ୍କୁ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି। ସେହିପରି ୧୧୦ଟି ଟ୍ରେନ୍‌କୁ ବାତିଲ କରାଯାଇଥିବା ସୂଚନା ରହିଛି। ପ୍ରବଳ ବେଗରେ ପବନ ବହୁଥିବାରୁ ଗତକାଲି ରାତିରୁ ବିମାନବନ୍ଦର ବନ୍ଦ ରଖାଯାଇଛି। ପୋରବନ୍ଦର, ଦୀବ, ଭାବାନଗର, କେଶୋଦ ଆମ୍ବା କାଣ୍ଡଲାରେ ବିମାନ ସେବା ବନ୍ଦ ରହିଛି। ଏଥିସହ ଆଜି ଏବଂ କାଲି ସମସ୍ତ ସ୍କୁଲ ଓ କଲେଜଗୁଡ଼ିକୁ ବନ୍ଦ କରି ଦିଆଯାଇଛି।

from Odisha Reporter http://bit.ly/2IbJr1j