ବେଙ୍ଗାଲୁରୁ: ପଦ୍ମ ପୁରସ୍କାରପ୍ରାପ୍ତ ପ୍ରସିଦ୍ଧ ନାଟ୍ୟକାର, ଅଭିନେତା ଓ ନିର୍ଦ୍ଦେଶକ ଗିରିଶ କନ୍ନଡ଼ଙ୍କର ଆଜି ପରଲୋକ ହୋଇଯାଇଛି। ବେଙ୍ଗାଲୁରୁର ଏକ ଡାକ୍ତରଖାନାରେ ଆଜି ସକାଳ ସାଢ଼େ ୬ଟାରେ ସେ ଶେଷ ନିଃଶ୍ୱାସ ତ୍ୟାଗ କରିଥିଲେ। ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ହୋଇଥିଲା।
୧୯୩୮ ମସିହା ମେ’ ୧୯ ତାରିଖରେ ମୁମ୍ବାଇ (ସେତେବେଳର ବମ୍ବେ ପ୍ରେସିଡେନ୍ସୀ)ରେ ସେ ଜନ୍ମ ହୋଇଥିଲେ। ସେ ଅକ୍ସଫୋର୍ଡ ବିଶ୍ୱବିଦ୍ୟାଳୟର ଛାତ୍ର ଥିଲେ ଓ ସେଠାରେ ପଢ଼ିବା ବେଳେ ହିଁ ତାଙ୍କର ପ୍ରଥମ ନାଟକ ‘ଯଯାତି’ ଲେଖିଥିଲେ। ୧୯୬୧ ମସିହାରେ ସେ ଏହି ନାଟକଟି ଲେଖିଥିଲେ। ତାଙ୍କର ଅନ୍ୟତମ ପ୍ରସିଦ୍ଧ ନାଟକ ହେଉଛି ‘ତୁଗ୍ଲକ୍’, ଯାହା ସେ ୧୯୬୪ ମସିହାରେ ଲେଖିଥିଲେ। ସେହିପରି ତାଙ୍କର ଆଉ ଏକ ପ୍ରସିଦ୍ଧ ନାଟକ ହେଉଛି ‘ହୟାଭଦାନ’। ଏହି ନାଟକକୁ ସେ ୧୯୭୨ ମସିହାରେ ଲେଖିଥିଲେ।
ନାଟକ ସହିତ ଗିରିଶ ଚଳଚ୍ଚିତ୍ର ଜଗତରେ ବି ସକ୍ରିୟ ଥିଲେ। ୧୯୭୦ ମସିହାରେ କନ୍ନଡ଼ ଫିଲ୍ମ ‘ସମସ୍କାର’ ଜରିଆରେ ସେ ଡେବ୍ୟୁ କରିଥିଲେ। ସେ ହିନ୍ଦୀ ଚଳଚ୍ଚିତ୍ରରେ ବି କାମ କରିଛନ୍ତି।
ତାଙ୍କ ମୃତ୍ୟୁରେ ବିଶ୍ୱବିଖ୍ୟାତ ଲେଖକ ଅମିତାଭ ଘୋଷଙ୍କଠାରୁ ଆରମ୍ଭ କରି ନାଟକ, ଫିଲ୍ମ ଓ ସାହିତ୍ୟ କ୍ଷେତ୍ରର ବହୁ ବିଶିଷ୍ଟ ବ୍ୟକ୍ତି ଦୁଃଖ ପ୍ରକାଶ କରିଛନ୍ତି।
from Odisha Reporter http://bit.ly/2R0CMdg
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment