ୟୁଟ୍ୟୁବ୍‌ ଚ୍ୟାନେଲ୍‌ ଖୋଲିଲେ ଆକାଶ: ଶେଆର କରୁଛନ୍ତି ପ୍ରେରଣାଦାୟକ କାହାଣୀ

ଭୁବନେଶ୍ୱର (ଓଡ଼ିଶା ରିପୋର୍ଟର): ଆଜିକାଲି କଳାକାରମାନେ ତାଙ୍କ ପ୍ରଶଂସକମାନଙ୍କ ସହ ଯୋଗାଯୋଗ କରିବାର ଏକ ମାଧ୍ୟମ ବାହାର କରିଛନ୍ତି। ସେ ବଲିଉଡ୍‌ କଳାକର ହୁଅନ୍ତୁ ଅବା ଓଲିଉଡ୍‌ ୟୁଟ୍ୟୁବ୍‌ ଚ୍ୟାନେଲ୍‌ ମାଧ୍ୟମରେ ସିନେଷ୍ଟାର ମାନେ ତାଙ୍କ ଦର୍ଶକଙ୍କୁ ମନୋରଞ୍ଚନ କରିବାର ଚେଷ୍ଟା କରୁଛନ୍ତି। ନିକଟରେ ବଲିଉଡ୍‌ ଅଭିନେତ୍ରୀ ଆଲିୟା ଭଟ୍ଟ ତାଙ୍କ ୟୁଟ୍ୟୁବ୍‌ ଚ୍ୟାନେଲ୍‌ ଖୋଲିଥିବା ବେଳେ ଏବେ ଓଲିଉଡ ଅଭିନେତା ଆକାଶ ଦାସନାୟକ ତାଙ୍କର ୟୁଟ୍ୟୁବ୍‌ ଚ୍ୟାନେଲ୍‌ ଖୋଲିଛନ୍ତି। ଯାହାର ନାଁ ରହିଛି ‘ଆକାଶ ଇନ୍‌ସ୍ପାୟାରସ୍‌’। ଏହି ୟୁଟ୍ୟୁବ୍‌ ଚ୍ୟାନେଲ୍‌ ମାଧ୍ୟମରେ ଆକାଶ ତାଙ୍କ ଦୈନନ୍ଦିନ ଜୀବନର ଅନୁଭୂତି ବାଣ୍ଟିବା ସହ ବିଭିନ୍ନ ପ୍ରେରଣାଦାୟକ କାହାଣୀ ମଧ୍ୟ ଶେଆର କରୁଛନ୍ତି।

ଗତ ମାସ ୧୫ତାରିଖରେ ତାଙ୍କ ୟୁଟ୍ୟୁବ୍‌ ଚ୍ୟାନେଲ୍‌ରେ ସେ ତାଙ୍କର ପ୍ରଥମ ଭିଡିଓ ଶେଆର କରିଥିଲେ। ଏହି ଭିଡିଓରେ ସେ ସ୍ୱାଧୀନତା ଦିବସର ଶୁଭେଚ୍ଛା ଜଣାଇବା ସହ ଆଗକୁ ବିଭିନ୍ନ ସ୍ୱାସ୍ଥ୍ୟ ଜନିତ ଭିଡିଓ ଶେଆର କରିବେ ବୋଲି କହିଥିଲେ।

ତେବେ ଓଲିଉଡ୍‌ରେ ଅନୁଭବ ମହାନ୍ତି, ବର୍ଷା ପ୍ରିୟଦର୍ଶିନୀଙ୍କ ସମେତ ବିଭିନ୍ନ ଗାୟକମାନଙ୍କର ୟୁଟ୍ୟୁବ୍‌ ଚ୍ୟାନେଲ୍‌ ରହିଛି।

from Odisha Reporter https://ift.tt/31vdtEo