ବିନା ଇଞ୍ଜିନରେ ଗଡ଼ିଗଲା ବଗି, ଭିଡିଓ ଭାଇରାଲ୍

ଅନୁଗୋଳ(ବିରଜା ଦାଶ): ଟ୍ରେନ୍‌ର ଇଞ୍ଜିନ ନ ଥିଲା, କି ଆଗ ପଛରେ ଆଉ କିଛି ବଗି ବି  ନ ଥିଲା। ଟ୍ରାକ୍‌ରେ ଅମାନିଆ ଭାବେ ଗଡ଼ି ଚାଲିଥିଲା କେବଳ ଗୋଟିଏ ବଗି। କର୍ମଚାରୀମାନେ ତାକୁ ଅଟକାଇବାକୁ ଆପ୍ରାଣ ଚେଷ୍ଠା ଜାରି ରଖିଥିଲେ ବି ରହିବା ମୁଡ୍‌ରେ ନ ଥିଲା ମାଲ୍‌ବାହୀ ଟ୍ରେନ୍‌ର ଏହି ବଗିଟି। ଏପରି ଭାବେ ପ୍ରାୟ ୨୦୦ ମିଟର ଯାଏ ଗଡ଼ିବା ପରେ ବଗିଟି ଆଗରେ ବାଧା ଦିଆଯିବାରୁ ତାହା ଅଟକିଥିଲା। କର୍ମଚାରୀଙ୍କ ଅସାବଧାନତା ଯୋଗୁ ଅନୁଗୋଳ ରେଳ ଷ୍ଟେସନରେ ଘଟିଯାଇଥିବା  ଥିବା ଏପରି ଘଟଣାର ଭିଡିଓ ଏବେ ସୋଶାଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି।

ଲାଇନଚ୍ୟୁତ ହୋଇଥିବା ଏକ ମାଲବାହୀ ଟ୍ରେନ୍‌ର ବଗିକୁ ଲାଇନ୍‌କୁ ଉଠାଇ  ଗତ ୫ ତାରିଖରେ କାମ୍‌ ଚାଲିଥିଲା। ଦିନ ପ୍ରାୟ ୧୧ଟାରୁ ୧୨ ମଧ୍ୟରେ ହଠାତ୍‌  ଟ୍ରେନ୍‌ର ଗୋଟିଏ ବଗି ଟ୍ରାକ୍‌ରେ ଆଗକୁ ଆଗକୁ ଗଡ଼ି ଚାଲିଥିଲା। ଏହାଦେଖି ସେଠାରେ କାମ କରୁଥିବା କର୍ମଚାରୀଙ୍କ ବୁଦ୍ଧି ହଜିଗଲା। ତୁରନ୍ତ ବଗିକୁ ଅଟକାଇବାକୁ ସେମାନେ ଆପ୍ରାଣ ଉଦ୍ୟମ ଆରମ୍ଭ କରିଦେଲେ। ଶେଷରେ ବଗି ଆଗରେ ବାଧା ଦେଇ ତାକୁ ରୋକାଯାଇ ପାରିଥିଲା। ଚକରେ ଜାମ୍‌ ନ ଦେଇ କର୍ମଚାରୀ କାର୍ଯ୍ୟ କରୁଥିବାରୁ ଏଭଳି ଘଟଣା ଘଟିଥିବା ଜଣାପଡ଼ିଛି । କର୍ମଚାରୀଙ୍କ ଅସାବଧାନତା ଯୋଗୁ ଏଭଳି ଘଟିଥିବା ଅନୁମାନ କରାଯାଉଥିବାବେଳେ ବଡ଼ ଦୁର୍ଘଟଣାକୁ ଏଡାଇ ଦିଆଯାଇପାରିଥିଲା।

 

from Odisha Reporter https://ift.tt/2Ntt0Aj