ପୁରୀ ବଡ଼ଦାଣ୍ଡରୁ ଘରକୁ ଫେରିଲେ ଇଞ୍ଜିନିୟର ଭିକାରି

ପୁରୀ(ଓଡ଼ିଶା ରିପୋର୍ଟର): ଶେଷରେ ଘରକୁ ଫେରିଲେ ପୁରୀ ବଡ଼ଦାଣ୍ଡରେ ଭିକ୍ଷାବୃତ୍ତି କରୁଥିବା ଇଞ୍ଜିନିୟର ଗିରିଜା ଶଙ୍କର ମିଶ୍ର। ଗଣମାଧ୍ୟମରେ ଖବର ପ୍ରସାରିତ ହେବାପରେ ପରିବାର ଲୋକେ ତାଙ୍କୁ ଘରକୁ ନେଇଥିବା ସୂଚନା ମିଳିଛି।

ଗିରିଜାଙ୍କ ଘର ଭୁବନେଶ୍ୱର ନୀଳାଦ୍ରୀ ବିହାର ଅଞ୍ଚଳରେ ଓ ତାଙ୍କ ବାପା ଜଣେ ଅବସରପ୍ରାପ୍ତ ଡିଏସ୍‌ପି ଥିଲେ ।

ସବୁଦିନ ଭଳି ବଡ଼ଦାଣ୍ଡରେ ଗିରିଜା ଭିକ୍ଷାବୃତ୍ତି କରୁଥିବା ବେଳେ ତାଙ୍କ ଆଗରେ ଜଣେ ରିକ୍ସା ଚାଳକ ରିକ୍ସା ରଖି ଦେଇଥିଲେ। ଫଳରେ ଉଭୟଙ୍କ ମଧ୍ୟରେ ପାଟିତୁଣ୍ଡ ଏବଂ ଗଣ୍ଡଗୋଳ ହୋଇଥିଲା। ଉଭୟ ପକ୍ଷ ପିଟାପିଟି ହେବା ପରେ ଥାନାରେ ମାମଲା ପହଞ୍ଚିଥିଲା।

ଗିରିଜା ନିର୍ଭୁଲ୍‌ ଭାବରେ ଇଂରାଜୀରେ ଲେଖିଥିବା ଏତଲାରୁ ତାଙ୍କର ପ୍ରକୃତ ପରିଚୟ ସମ୍ପର୍କରେ ଜଣାପଡ଼ିଥିଲା। ସେ ଜଣେ ଉଚ୍ଚ ଶିକ୍ଷିତ ତଥା ଇଞ୍ଜିନିୟର ବୋଲି ଜାଣିବାକୁ ମିଳିଥିଲା। କୌଣସି କାରଣରୁ ସେ ଭିକ୍ଷା ବୃତ୍ତିକୁ ଆପଣାଇ ନେଇଥିଲେ ବୋଲି କୁହାଯାଉଛି।

from Odisha Reporter https://ift.tt/2TAGHAV