‘ଭାରତୀୟଙ୍କ ସ୍ୱାସ୍ଥ୍ୟାବସ୍ଥା ଉପରେ ନଜର ରଖିଛି ଭାରତୀୟ ଦୂତାବାସ’

ନୂଆଦିଲ୍ଲୀ: ଚୀନରେ ବ୍ୟାପିଥିବା ଘାତକ କୋରୋନା ଭାଇରସକୁ ନେଇ ଏବେ ସାରା ବିଶ୍ୱ ଚିନ୍ତାପ୍ରକଟ କରିଛି। ଏଯାବତ ୫୬ ଲୋକଙ୍କ ଜୀବନ ଏହି ଭାଇରସ ନେଇଛି। ୨ ହଜାର ଲୋକ ଏହି ଭାଇରସର ଶିକାର ହୋଇ ଚିକିତ୍ସାଧୀନ ରହିଛନ୍ତି।

ବୈଦେଶିକ ମନ୍ତ୍ରୀ ଏସ. ଜୟଶଙ୍କର ଏ ନେଇ କହିଛନ୍ତି, ଚୀନରେ ଥିବା ଭାରତୀୟ ଦୂତାବାସ କୋରୋନା ଭାଇରସ ଉପରେ ନଜର ରଖିଛି। ସେଠାରେ ଥିବା ଭାରତୀୟଙ୍କ ସ୍ୱାସ୍ଥ୍ୟାବସ୍ଥା ଉପରେ ଭାରତୀୟ ଦୂତାବାସ ନଜର ରଖିଛି। ଲୋକଙ୍କୁ ସହଯୋଗ କରିବା ପାଇଁ ଦୂତାବାସ ପକ୍ଷରୁ ଦୁଇଟି ହେଲ୍ପ ଲାଇନ୍ ନମ୍ୱର ମଧ୍ୟ ଜାରି କରାଯାଇଛି।

Our Embassy in Beijing is constantly checking on the health and well-being of the Indians in China. Please follow @EOIBeijing for more updates on the situation. https://t.co/IGOfQ7YPE9

— Dr. S. Jaishankar (@DrSJaishankar) January 26, 2020

କୋରୋନା ଭାଇରସ ପ୍ରଭାବରେ ଥଣ୍ଡା-କାଶ ହୋଇଥାଏ। ହେଲେ ଏହା ଯଦି ସିଭିୟର ଆକ୍ୟୁଟ୍ ରେସ୍ପୋରେଟରୀ ସିଣ୍ଡ୍ରମ୍ (ଏସଏଆରଏସ)ର ଲକ୍ଷଣ ଭିତରକୁ ଆସିବ ତା’ହେଲେ ଏହା ଘାତକ ସାଜିଥାଏ। ୨୦୦୨-୦୩ରେ ଚୀନ ଏବଂ ହଙ୍ଗକଙ୍ଗରେ ପାଖାପାଖି ୬୫୦ ଲୋକଙ୍କର ମୃତ୍ୟୁ ଘଟିଥିଲା ଏହି କୋରୋନା ଭାଇରସ ପାଇଁ।

from Odisha Reporter https://ift.tt/3aIirCN