ଟ୍ରକ୍‌କୁ ପଛରୁ ପିଟିଲା କାର୍‌

ବାଲେଶ୍ୱର (ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲା ୬୦ ନମ୍ବର ଜାତୀୟ ରାଜପଥର ଫୁଲାଡି ନିକଟରେ ଆଜି ଭୋରରୁ  ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ରାସ୍ତାରେ ଠିଆ ହୋଇଥିବା ଟ୍ରକ୍‌କୁ  ଏକ କାର୍‌ ପଛରୁ  ଧକ୍କା ଦେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି।

ମୃତ ବ୍ୟକ୍ତିଜଣଙ୍କ କାର୍‌ ଡ୍ରାଇଭର ହୋଇଥିବା ବେଳେ ତାଙ୍କ ଘର ରୁପ୍‌ସା ବୋଲି ଜଣାପଡ଼ିଛି। ଆହତ ବ୍ୟକ୍ତିଜଣଙ୍କ ମଧ୍ୟ କାରରେ ବସିଥିଲେ। ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ତାଙ୍କ ଘର ରୁପ୍‌ସାରେ।

ଆଜି ଭୋର ପ୍ରାୟ ୫ଟା ସମୟରେ ଏହି ଦୁଇ ଜଣ ରୁପସାରୁ ଡିଜେଲ ନେଇ କାର୍‌ ଯୋଗେ ବାଲେଶ୍ୱର ଯାଉଥିଲେ। ଏହି ସମୟରେ ଫୁଲାଡି ନିକଟରେ ଠିଆ ହୋଇଥିବା ଟ୍ରକ୍‌କୁ କାର୍‌ଟି ପଛରୁ ଧକ୍କା ଦେଇଥିଲା। ମୃତ ଡ୍ରାଇଭର ଜଣଙ୍କ ଗାଡ଼ି ଭିତରେ ଚାପି ହୋଇ ରହିଯାଇଥିଲେ।

ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କଟର ସାହାଯ୍ୟରେ କାଟି  ଡ୍ରାଇଭରଙ୍କୁ ଗାଡ଼ି ଭିତରୁ ବାହାର କରିଥିଲା। ପୁଲିସ୍‌ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି। ଉକ୍ତ ଟ୍ରକ୍‌ରେ କେହି ନଥିବା ଜଣାପଡ଼ିଛି।

from Odisha Reporter https://ift.tt/39ue7oY