ଶାଖା ପରିଚାଳକଙ୍କୁ ମାଡ଼ ପ୍ରତିବାଦରେ ଲ୍ୟାମ୍ପ୍ସ, ପ୍ୟାକ୍ସ ବନ୍ଦ

କେନ୍ଦୁଝର(ପ୍ରଣୟ ପାଣି): ଲକଡାଉନ୍‌ ବେଳେ ଚାଷ କାମ ସହ ଜଡିତ ସମସ୍ତ ସେବାକୁ କଟକଣା ମୁକ୍ତ କରାଯାଇଛି । ଚାଷୀଙ୍କ ସୁବିଧା ପାଇଁ ବିଭିନ୍ନ ଲ୍ୟାମ୍ପ୍ସ ଏବଂ ପ୍ୟାକ୍ସ ଖୋଲା ରଖିବାକୁ ନିର୍ଦ୍ଦେଶ ରହିଛି । ତେବେ କେନ୍ଦୁଝର ଜିଲ୍ଲାରେ ଦେଖାଦେଇଛି ବ୍ୟତିକ୍ରମ। ଜିଲ୍ଲାର ସମସ୍ତ ୪୪ଟି ଲ୍ୟାମ୍ପ୍ସ ଓ ପ୍ୟାକ୍ସ ସଂପୂର୍ଣ୍ଣ ଭାବେ ବନ୍ଦ ରହିଛି ।

ଜଙ୍ଘିରା ଲ୍ୟାମ୍ପ ଅଧୀନ ପିଠାଗୋଳାର ଶାଖା ପରିଚାଳକ ମୋହନ ଚରଣ ସାହୁ ଅଫିସ ସାରି ବାହାରକୁ ବାହାରିବା ସମୟରେ ପଣ୍ଡାପଡ଼ା ପୁଲିସ ତାଙ୍କୁ ଲାଠି ମାଡ କରିଥିବା ଅଭିଯୋଗ କରିଥିଲେ। ଏହାକୁ  ବିରୋଧ କରି ଲ୍ୟାମ୍ପ୍ସ ଓ ପ୍ୟାକ୍ସ ସଂଘ ଗତ କାଲିଠାରୁ ସବୁ ଲ୍ୟାମ୍ପ୍ସରେ ତାଲା  ପକାଇବାକୁ ନିଷ୍ପତି ନେଇଥିଲା। ଏହାପରେ ଆଜି ଜିଲ୍ଲାର ୪୪ ଟି ଲ୍ୟାମ୍ପ୍ସ ଓ ପ୍ୟାକ୍ସ ସଂପୂର୍ଣ୍ଣ ରୂପେ ବନ୍ଦ ରହିଛି । ଫଳରେ ବିହନ ପାଇଁ ଆସୁଥିବା ଚାଷୀ ନାହିଁ ନଥିବା ଅସୁବିଧା ଭୋଗୁଛି ।

from Odisha Reporter https://ift.tt/3d8wpyp