ଚାଇନା ସହ ଲଢ଼େଇ ବେଳେ କୌଣସି ଆର୍ମି ଯବାନ ନିଖୋଜ ହୋଇନାହାନ୍ତି

ନୂଆଦିଲ୍ଲୀ: ଇଷ୍ଟର୍ଣ୍ଣ ଲଦାଖର ଗଲୱାନ ଭ୍ୟାଲିରେ ଚାଇନା ସହ ଘଟିଥିବା ରକ୍ତାକ୍ତ ସଂଘର୍ଷ ବେଳେ କିଛି ଭାରତୀୟ ଯବାନ ନିଖୋଜ ଥିବାର ଖବରକୁ ସେନା ପକ୍ଷରୁ ଖଣ୍ଡନ କରାଯାଇଛି।

ଗଲୱାନ ଭ୍ୟାଲିରେ କୌଣସି ବି ଭାରତୀୟ ଯବାନ ନିଖୋଜ ହୋଇନାହାନ୍ତି ଓ ସମସ୍ତଙ୍କ ଖବର ସେନା ପାଖରେ ରଖିଛି। ସଂଘର୍ଷ ବେଳେ ୧୦ ଜଣ ଭାରତୀୟ ଯବାନଙ୍କୁ ଚାଇନାର ପିଏଲଏ ପଣବନ୍ଦୀ କରି ରଖିଥିବା ଖବର ପ୍ରକାଶ ପାଇଥିଲା। ତେବେ ସେନା ପକ୍ଷରୁ ବେଶ ସଂକ୍ଷିପ୍ତ ବିବୃତି ଜାରି କରି ଏହାକୁ ଖଣ୍ଡନ କରାଯାଇଛି।

ଲେହରେ ଥିବା ୩ ଇନଫାଣ୍ଟରୀ ଡିଭିଜନ କମାଣ୍ଡର ମେଜର ଜେନେରାଲ ଅଭିଜିତ ବାପତ ଓ ତାଙ୍କ ଚାଇନା ପ୍ରତିପକ୍ଷ ଗଲୱାନ ଭ୍ୟାଲିର ପ୍ୟାଟ୍ରୋଲିଂ ପଏଣ୍ଟ ୧୪ ନିକଟରେ ପୁଣିଥରେ ବୈଠକ କରିବା ପରେ ସେନା ପକ୍ଷରୁ କୌଣସି ଭାରତୀୟ ଯବାନ ନିଖୋଜ ହୋଇ ନଥିବା କୁହାଯାଇଛି।

from Odisha Reporter https://ift.tt/2NbOZdW