କ୍ୱାରେଣ୍ଟାଇନ୍‌ ସେଣ୍ଟରରେ ଆଖି ବୁଜିଲେ କୋଲକତା ଫେରନ୍ତା

ଭଦ୍ରକ(ପାର୍ଥସାରଥୀ ନାୟକ): ଭଦ୍ରକ ବ୍ଲକ କୋର୍କୋରା କ୍ୱାରେଣ୍ଟାଇନ୍‌ ସେଣ୍ଟରରେ କୋଲକତା ଫେରନ୍ତା ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ହେଲେ ସେହି ଗାଁର ରାଧାଶ୍ୟାମ ପାଣି। ସେ ଗତକାଲି ରାତିରେ ଟ୍ରେନ ଯୋଗେ କୋଲକାତାରୁ ଫେରିଥିଲେ। ଉକ୍ତ ସମୟରେ ସେ ସୁସ୍ଥ ଥିବା ବେଳେ ନିଜ ପରିବାର ଲୋକଙ୍କ ସହ କଥା ହୋଇଥିଲେ। ଏହାପରେ ରାତିରେ ପଞ୍ଚାୟତରେ ହୋଇଥିବା କ୍ୱାରେଣ୍ଟାଇନ୍‌ ସେଣ୍ଟରରେ ତାଙ୍କୁ ରଖାଯାଇଥିଲା। ତେବେ ଆଜି ଭୋରରୁ ତାଙ୍କ ମୃତ୍ୟୁ ଘଟିଥିବା ଜଣାଯାଇଛି।

ବାପାଙ୍କର ପୂର୍ବରୁ ଡାଇବେଟିସ୍‌ ଥିବା ବେଳେ ଗତକାଲି ସେ ସମ୍ପୂର୍ଣ୍ଣ ସୁସ୍ଥ ଥିଲେ ବୋଲି କହିଛନ୍ତି ରାଧାଶ୍ୟାମଙ୍କ ପୁଅ ମାନସ କୁମାର ପାଣି । ଘଟଣାସ୍ଥଳରେ ପୁଲିସ୍‌ ଓ ମେଡିକାଲ ଟିମ୍‌ ପହଞ୍ଚି ନ ଥିବା ବେଳେ କ୍ୱାରେଣ୍ଟାଇନ୍‌ ଗାଇଡଲାଇନ୍‌ ଅନୁଯାୟୀ ମୃତକଙ୍କ ଶବ ସତ୍କାର କରାଯିବ ବୋଲି କହିଛନ୍ତି ନୋଡ଼ାଲ ଅଫିସର ଅଭୟ ଲେଙ୍କା ।

from Odisha Reporter https://ift.tt/30uu51w