କ୍ୱାରେଣ୍ଟାଇନ୍‌ ସେଣ୍ଟରରେ ଥିଲେ, ଆଖି ବୁଜିଲେ ପ୍ରବାସୀ ମହିଳା

ନୂଆପଡା(ମାୟାଧର ସରାଫ): ନୂଆପଡା ଜିଲ୍ଲା ସିନାପାଲି ବ୍ଲକ ଲିଟିଗୁଡା କ୍ୱାରେଣ୍ଟାଇନ୍‌ ସେଣ୍ଟରରେ ରହୁଥିବା ଜନୈକ ପ୍ରବାସୀ ଓଡିଆ ବିଧବା ମହିଳା ଶ୍ରମିକଙ୍କ ମୃତ୍ୟୁ ହୋଇଛି । ମୢତକ ସିନାପାଲି ବ୍ଲକ ଖର୍ସେଲ ଗାଁର ମଦନା ମାଝୀ ବୋଲି ଜଣା ପଡିଛି। ମଦନା ମାଝୀ ତାମିଲନାଡୁକୁ ଦାଦନ ଖଟିବାକୁ ଯାଇଥିଲେ । ସେ ଗତ ୧୩ ତାରିଖରେ ତାମିଲନାଡୁରୁ ଫେରି ଲିଟିଗୁଡା ଟିଏମସିରେ ରହୁଥିଲେ ।

ଗତକାଲି ଗଳା ଓ ଛାତିରେ ଯନ୍ତ୍ରଣା ଅନୁଭଵ କରିବାରୁ ସେ ଟିଏମସି ଦାୟିତ୍ୱରେ ଥିବା କର୍ମଚାରୀଙ୍କୁ ଜଣାଇଥିଲେ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ସିନାପାଲି ଡାକ୍ତରଖାନା ଓ ପରେ ଖଡିଆଳ ଡାକ୍ତରଖାନାରେ ଭର୍ତ୍ତି କରା ଯାଇ ଥିଲା । ଖଡିଆଳ ଡାକ୍ତରଖାନାରେ ତାଙ୍କୁ ମୃତ ଘୋଷଣା କରାଯାଇଥିଲା । ସିନାପାଲି ପୁଲିସ୍‌ ଶବ ଜବତ କରି ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି । ମୃତ୍ୟୁର କାରଣ ଜଣା ପଡି ନାହିଁ ।

from Odisha Reporter https://ift.tt/2UPjGtN