ମଦ ପାଇଁ ମା’କୁ ହାଣିଲା ପୁଅ

କେନ୍ଦୁଝର(ପ୍ରଣୟ କୁମାର ପାଣି): -ମଦ ପାଇଁ ଟଙ୍କା ନ ଦେବାରୁ ମା’କୁ ହାଣିଲା ପୁଅ। ଏପରି ଅଭାବନୀୟ ଘଟଣା କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ରାଇସୁଆଁ ମୁଣ୍ଡା ସାହିରେ ଘଟିଛି ।

ମୁଣ୍ଡା ସାହିର ବୁଧୁ ବେଣ୍ଟକାର ନିଜ ମା’ ରଜନୀଙ୍କୁ ମଦ ପିଇବା ପାଇଁ ୨ ଦିନ ପୂର୍ବେ ଟଙ୍କା ମାଗିଥିଲେ । କିନ୍ତୁ ରଜନୀ ତାଙ୍କୁ ମଦ ପିଇବାକୁ ବାରଣ କରିବା ସହ ଏଥିପାଇଁ ଟଙ୍କା ଦେବା ପାଇଁ ମନା କରିଦେଇଥିଲେ । ଏଥିରେ ଉତ୍ତ୍ୟକ୍ତ ହୋଇ ବୁଧୁ ଏକ ଟାଙ୍ଗିଆରେ ତାଙ୍କ ମୁଣ୍ଡକୁ ହାଣି ଦେଇଥିଲେ ।

ଗୁରୁତର ରଜନୀଙ୍କୁ ସ୍ଥାନୀୟ ଲୋକେ ଉଦ୍ଧାର କରି କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସ୍ଥାନୀୟ ଲୋକେ ସଦର ପୁଲିସ୍‌କୁ ଖବର ଦେଇଥିଲେ ମଧ୍ୟ ପୁଅ ଏପର୍ଯ୍ୟନ୍ତ ଫେରାର ଥିବା ଜଣା ପଡ଼ିଛି । ସଦର ପୁଲିସ୍‌ ତଦନ୍ତ ଆରମ୍ଭ କରିଛି ।

from Odisha Reporter https://ift.tt/30N5BRc