ବଲିଉଡ୍‌ ନିର୍ଦ୍ଦେଶକ ରଜତ ମୁଖର୍ଜୀଙ୍କର ଦେହାନ୍ତ

ମୁମ୍ବାଇ: ଜଣାଶୁଣା ବଲିଉଡ୍‌ ନିର୍ଦ୍ଦେଶକ ରଜତ ମୁଖର୍ଜୀଙ୍କର ଦେହାନ୍ତ ହୋଇଛି। ସୂଚନା ଅନୁଯାୟୀ କୌଣସି ସ୍ୱାସ୍ଥ୍ୟଗତ ସମସ୍ୟାରେ ହେତୁ ଆଜି ସକାଳେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ଏହି ଖବର ପରେ ସାରା ବଲିଉଡ୍‌ରେ ଶୋକର ଛାୟା ଖେଳିଯାଇଛି। ମନୋଜ ବାଜପେୟୀ ନିର୍ଦ୍ଦେଶକ ଅନୁଭା ସିହ୍ନା, ହଂଶଲ୍‌ ମେହେଟ୍ଟାଙ୍କ ପରି ବଡ଼ ବଡ଼ ସେଲେବ୍ରିଟିମାନେ ଟ୍ୱିଟ୍ କରି ରଜତଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।

Just got news about the passing away of a dear friend. Rajat Mukherjee director of Pyaar Tune Kya Kiya and Road was a friend from our early, early struggles in Bombay. Many meals, many bottles of Old Monk consumed. Many more to consume in another world. Will miss you dear friend.

— Hansal Mehta (@mehtahansal) July 19, 2020

ରଜତଙ୍କ ବିୟୋଗରେ ନିର୍ଦ୍ଦେଶକ ହଂଶଲ୍ ମେହେଟ୍ଟା ଅତ୍ୟନ୍ତ ଦୁଃଖିତ ହୋଇଛନ୍ତି। କାରଣ ସେ ତାଙ୍କର ବହୁ ନିକଟତକ ବନ୍ଧୁ ଥିଲେ। ସେ ନିଜ ଟ୍ୱିଟରରେ ରଜତଙ୍କ ସହ ବିତାଇଥିବା ସମୟକୁ ମନେ ପକାଇ ଲେଖିଛନ୍ତି, ‘ କିଛି ସମୟ ହେଲା ଜଣେ ଅତି ପ୍ରିୟ ବନ୍ଧୁ ଦୁନିଆ ଛାଡ଼ିଯିବାର ଖବର ପାଇଛି। ‘ପ୍ୟାର୍ ତୁନେ କ୍ୟା କିୟା’ ଏବଂ ‘ରୋଡ଼୍’ର ନିର୍ଦ୍ଦେଶକ ରଜତ୍ ମୁଖାର୍ଜୀ ବମ୍ବେରେ ମୋର ପ୍ରାରମ୍ଭିକ ସଂଘର୍ଷ ସମୟର ବନ୍ଧୁ ଥିଲେ। ଆମେ ଅନେକଥର ଏକାଠି ଖାଇଛୁ, ଅନେକ ବୋତଲ ମଦ ଏକାଠି ପିଇଛୁ। ପୁଣିଥରେ ପିଇବା ଯେବେ ଅଲଗା ଦୁନିଆରେ ଭେଟ ହେବ। ମୋର ପ୍ରିୟ ବନ୍ଧୁ ତୁମେ ବହୁତ ମନେପଡ଼ିବ।’

My friend and director of Road ,Rajat Mukherjee passed away in the early hours today in Jaipur after a long battle with illness!!! Rest in peace Rajat !!Still can’t believe that we will never meet or discuss our work ever again.khush reh jaha bhi reh.🙏🙏🙏

— manoj bajpayee (@BajpayeeManoj) July 19, 2020

ଅଭିନେତା ମନୋଜ ବାଜପେୟୀ ଏକ ଟୁଇଟ୍‌ରେ ଲେଖିଛନ୍ତି, ‘ମୋର ବନ୍ଧୁ ତଥା ‘ରୋଡ’ ଫିଲ୍ମର ନିର୍ଦ୍ଦେଶକ ରଜତ ମୁଖାର୍ଜୀ ଜୟପୁରରେ ନିଜ ଅସୁସ୍ଥତା ସହ ଦୀର୍ଘ ଯୁଦ୍ଧ ପରେ ଆଜି ଦୁନିଆ ଛାଡ଼ିଦେଇଛନ୍ତି। ତୁମକୁ ଶାନ୍ତି ମିଳୁ ରଜତ। ମୁଁ ବିଶ୍ୱାସ କରିପାରୁ ନାହିଁ ଯେ ଆମର ଆଉ କେବେ ବି ଦେଖା ହେବ ନାହିଁ କି ଆମେ ଆଉ କାମ ବିଷୟରେ କଥା ହେଇପାରିବା ନାହିଁ। ଯେଉଁଠାରେ ବି ରୁହନ୍ତୁ ଖୁସି ରେ ରୁହନ୍ତୁ।’

Another friend gone too soon. Director Rajat Mukherjee (Pyar Tune Kya Kiya, Road). He was dealing with multiple health situations past few months in Jaipur. Go well mate.

— Anubhav Sinha (@anubhavsinha) July 19, 2020

ନିର୍ଦ୍ଦେଶକ ଅନୁଭବ ସିହ୍ନା ମଧ୍ୟ ଟ୍ୱିଟ୍‌ କରି ଲେଖିଛନ୍ତି, ମେର ଆଉ ଜଣେ ବନ୍ଧୁ ସମୟ ପୂର୍ବରୁ ହିଁ ଚାଲିଗଲେ। ନିର୍ଦ୍ଦେଶକ ରଜତ ମୁଖାର୍ଜୀ (‘ପ୍ୟାର୍ ତୁନେ କ୍ୟା କିଆ’, ‘ରୋଡ୍’) ସେ ଗତ କିଛି ମାସ ହେଲା ଜୟପୁରରେ ଥିଲେ ଏବଂ ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ସହ ସଂଘର୍ଷ କରୁଥିଲେ। ସାବଧାନରେ ବନ୍ଧୁ।

ସୂଚନାଯୋଗ୍ୟ,  ରଜତ ବହୁତ କମ୍‌ ବଲିଉଡ୍‌ ଫିଲ୍ମରେ କାମ କରିଥିଲେ। ସେଥିମଧ୍ୟରୁ ‘ପ୍ୟାର୍ ତୁନେ କ୍ୟା କିୟା’ ଓ ‘ରୋଡ୍’ ହିଟ୍ ହୋଇଥିଲା। ‘ପ୍ୟାର୍ ତୁନେ କ୍ୟା କିୟା’ ୨୦୦୧ରେ ରିଲିଜେ ହୋଇଥିଲା ଏଥିରେ ଫରଦ୍ଦିନ ଖାନ୍, ଉର୍ମିଲା ମାଟୋଣ୍ଡକର ଏବଂ ସୋନାଲି କୁଲକର୍ଣ୍ଣି ଏକାଠି କାମ କରିଥିଲେ। ସେହିପରି ୨୦୦୨ରେ ଆସିଥିବା ଫିଲ୍ମ ‘ରୋଡ଼୍’ରେ ବିବେକ ଓବରୋଇଙ୍କୁ ଦେଖିବାକୁ ମିଳିଥିଲା।

The post ବଲିଉଡ୍‌ ନିର୍ଦ୍ଦେଶକ ରଜତ ମୁଖର୍ଜୀଙ୍କର ଦେହାନ୍ତ appeared first on Odisha Reporter.

from Odisha Reporter https://ift.tt/30wHtkm