‘ହୀରାକୁଦ‌କୁ ଜଳ ପ୍ରବେଶ କମିବା ଆରମ୍ଭ କରିଛି’

ଭୁବନେଶ୍ୱର (ଓଡ଼ିଶା ରିପୋର୍ଟର): ମହାନଦୀ ଉପରମୁଣ୍ଡରେ ପ୍ରବଳ ବର୍ଷା ଯୋଗୁ ଗତକାଲି ଠାରୁ ହୀରାକୁଦ ଡ୍ୟାମ୍‌ର ୪୬ଟି ଗେଟ୍ ଖୋଲା ଯାଇଥିବା ବେଳେ ସ୍ୱତନ୍ତ୍ର ରିଲିଫ୍ କମିଶନର (ଏସ୍‌ଆର୍‌ସି) ପ୍ରଦୀପ ଜେନା ଆଶ୍ୱସ୍ତିକର ଖବର ଦେଇଛନ୍ତି। ଆଜି ଭୋର ୪ଟା ବେଳୁ ହୀରାକୁଦ ଡ୍ୟାମ୍‌କୁ ଜଳ ପ୍ରବେଶ କମିବା ଆରମ୍ଭ କରିଛି। ଏହା ଆଗକୁ ଆହୁରି କମିବ ବୋଲି ଆଶା କରାଯାଉଥିବା ସେ ଲେଖିଛନ୍ତି।

Inflow into Hirakud has started showing a decline from 4am today. Hopefully it will reduce further. Expected peak flood flow will be about 10lakh cusec at Munduli which may continue for a day till tomorrow forenoon due2 Continuous very high inflow for Long duration fm Chhatisgarh

— Pradeep Jena IAS (@PradeepJenaIAS) August 30, 2020

ଏହା ସହିତ ଏସ୍‌ଆର୍‌ସି ଲେଖିଛନ୍ତି ଯେ ମୁଣ୍ଡଳିରେ ସର୍ବାଧିକ ୧୦ ଲକ୍ଷ କ୍ୟୁସେକ୍ ଜଳ ପ୍ରବାହିତ ହେବ ବୋଲି ଆଶା କରାଯାଉଛି। ଆସନ୍ତାକାଲି ଅପରାହ୍ଣ ପର୍ଯ୍ୟନ୍ତ ମୁଣ୍ଡଳିରେ ଏହି ସ୍ଥିତି ଜାରି ରହିପାରେ।

Water level in various rivers vis-à-vis Danger Level as observed at 6AM today. Except Mahanadi all major rivers flowing below DL at major gauze stations. ⁦@CMO_Odisha⁩ ⁦@SecyChief⁩ ⁦@OdishaWater⁩ ⁦@SRC_Odisha⁩ ⁦@osdmaodisha⁩ pic.twitter.com/6ON8PP6fWW

— Pradeep Jena IAS (@PradeepJenaIAS) August 30, 2020

ବନ୍ୟାଜଳ ଯୋଗୁ ମହାନଦୀ ଅବବାହିକାରେ ଥିବା ବୌଦ୍ଧ ଜିଲ୍ଲାର ହରଭଙ୍ଗା, ସୁବର୍ଣ୍ଣପୁରର ଉଲୁଣ୍ଡା, ବରଗଡ଼ର ଅମ୍ବାଭୋନା, ଝାରସୁଗୁଡ଼ାର ଲଖନପୁର ଆଦି ବ୍ଲକର ବହୁ ଅଞ୍ଚଳ ଜଳମଗ୍ନ ହୋଇଛି।

ସେହିପରି ମହନଦୀ ଫୁଲିବା ଯୋଗୁ ଉପକୂଳିଆ ଅଞ୍ଚଳରେ ଚିନ୍ତା ବଢ଼ିଛି।  କଟକ ଜିଲ୍ଲା ବାଙ୍କୀ ବ୍ଲକର ତଳିଆ ଅଞ୍ଚଳ ଜଳମଗ୍ନ ହୋଇଛି। ବାହ୍ୟଜଗତରୁ କଇଁମୁଣ୍ଡି, ଶୁଖୁଆଖେଳା ଏବଂ ବିଲିପଡ଼ା ଅଞ୍ଚଳ ବିଛିନ୍ନ ହୋଇଯାଇଛି।

The post ‘ହୀରାକୁଦ‌କୁ ଜଳ ପ୍ରବେଶ କମିବା ଆରମ୍ଭ କରିଛି’ appeared first on Odisha Reporter.

from Odisha Reporter https://ift.tt/3hHct8x